Re: Propaganda de un esperantista hungare

---------------------------------------------------------------
Kovacs Peter 2009-09-13: Il ha un foro web hungarophone, ubi il
ha un topico dedicate pro interlingua. Recentemente arrivava un
message de alicuno, qui examinava un specimen de texto pro
modellar, presentar interlingua. Ille se demanda, si
interlingua es dedicate pro tal gente de QI basse qui es
incapace a apprender le italiano ...
:: Dekker Martijn: Io non pensa que isto es digne de un
:: responsa. Un tal remarca cerca solmente provocar [*1*].
:: Nonobstante, io sentirea le tentation de dicer: "essaya
:: parlar italiano a un portugese e vider si tu es
:: comprendite..." [*2*]
E ille adde (como critica *negative*...!), que ille non vide un
ideologia detra interlingua, que ha esperanto (pro esser un
lingua mundial artificial ... [*3*]! ... e neutre... [*4*]) ...
Vostre opiniones...?
---------------------------------------------------------------
Enfors Erik: Interlingua non es un secto e nos non besonia un
ideologia. Pro nos interlingua es un cosa practic i.e. esser
comprendibile mesmo sin troppo multe studios. Isto es possibile
gratias al natura de nostre lingua, nulle constructiones
artificial, solmente le vocabulario international commun e un
grammatica rational, al qual le plus linguas in omne caso se ha
developpate un poco p.ex. le anglese e le svedese, specialmente
in comparation con nostre lingua commun original, le latino. In
iste coherentia interlingua es le lingua le plus developpate e
le plus moderne e altere linguas es apparentemente in le mesme
via, rapidemente. Un grammatica complicate solmente es pro
gaudio pro phantastas qui desira glorificar se ma textos
moderne p.ex. in internet e in jornales sempre aspira a esser
comprendibile sin un syntaxo complicate.
------------------------------------------------------|--------

Commentarios de Allan Kiviaho 2009-09-14:

[*1*] Un provocation pote esser un cosa bon proque
illo offere nos un chance a facer contra-propaganda.

[*2*] Peter, presenta isto a ille esperantista
hungare, si il te place!
http://www.interlingua.fi/ixgen.htm

[*3*] Isto es un opinion bizarre. Proque poterea un
interlinguista non supportar interlingua como lingua
commun pro tote le mundo?

[*4*] An esperanto vermente es un lingua "neutral"?
Illo se ja basa a linguas indoeuropee e specialmente
al latino. Un slogan propagandistic de esperantistas
es que "ESPERANTO ES LATINO DE DEMOCRATIA". Sed in
esperanto le parolas latin son grotescemente mutilate
e deformate.

Salutante

Allan Kiviaho

--
Archivos e disabonar: http://listserv.icors.org/archives/INTERLNG.html