Io recordava mi ultime vice que io jocava al quillias (birilli in italiano).
Il era le estate del 1952! Un belle intervallo, nonne?
E heri post meridie io jocava al bollas. E, surprisa, io vinceva qualque
partitas, facto que me faceva felice.
In le tarde matino de heri io faceva visita a un mi amico qui me attendeva
in su secunde casa in le collinas proxime al pedemontania trevisan.
Circa 500 metros de altessa e un temperatura ideal e ventilate al puncto
justo. In le lontan horizonte le Laguna de Venetia.
A un certe puncto le filio affin de mi amico invitava nos a un partita con
le bollas, un joco multo popular in nostre paises e que, totevia, io non
practicava si non in mi juvene etate.
Io sape que ubicunque existe un communitate de italianos, illac existe le
jocos del bollas, totevia io non sape si iste joco es commun in le altere
paises.
Il se tracta de un joco apte a ome etate e que favori de competition inter
amicos e le restar insimul. Illo constitueva le motivo de evasion in un
septimana de labor usque al annos '60.

Mario


_________________________________________________________________
Specisci e ricevi le tue email Hotmail dal tuo cellulare con:
http://mobile.msn.it