d[081029] x[Kiviaho Allan] z[KivA-HCSkd]
s[UMI e le organisationes national e regional]

[log in to unmask]
Usa le fonte Courier new 10!

Estimate interlinguistadores e interlinguerrillos!
Car COMPANiaROS!

**************
Cargas del UMI
**************

Io ha essite interlinguista desde primavera 1996.

Mi experientia e comprension es, que le UMI es super
toto un institution cuje scopo es a render respecto a
interlingua. Un passo importante in relation a illo
era le registration del UMI como un association
official, como un "persona juridic", stato major (ver
o virtual/imaginari?) in Etampes, Francia. Vide:
http://www.interlingua.fi
Clicca
- Interlingua in le mundo
-- Mappa de Europa
--- Sede del UMI (Francia)

UMI ha etiam alicun cargas importante a  exequer, como
www.interlingua.com, "Panorama", Servicio de libros
UMI, certe fundos financiari, conferentias
international de interlingua, etc.

********************************
UMI e le organisationes national
********************************

Le veritate es que le contactos inter le UMI e le
plebe (PLEBia) - interlinguistas private e
associationes national - ha essite minimal. Io crede
que le functionarios del UMI son personas, qui ha
importante positiones in le societate e multo pauc
tempore pro travalia practic pro interlingua.

Un altere cosa es que le UMI es supponite a esser un
organisation neutral, impartial. Pro isto nos debe
haber organisationes distincte e.g. pro promover
interlingua in le Union Europee, proque iste
activitates non son neutral - nos lucta contra le
- "nonsacre triumvirato de hegemonistic linguas
  granfraternal (anglese/francese/germano),
- "nonsacre duumvirato" ... (francese/germano) e
- "ultimemente nonsacre monocratia" del anglese

************************************
euro<P>ia - EUROpa Parla InterlinguA
************************************

COMPANiaROS europias!

Io propone que nos establi un association cuje
scopo es a facer interlingua le singule lingua
common pro cosas practic in Europa.

Que esserea le optime nomine pro un tal association?

Mi proposition preliminari es
"euro<P>ia" - EUROpa Parla InterlinguA
Vide:
http://www.interlingua.fi/ceiafil/europia.htm

In iste pagina es information super le Union Europee.
Le information es un pauc obsolete, sed presentate
como exemplo de un sito in interrete, que poterea
(forsan) traher attention del publico general.

In le tabella "Statistica del Parlamento Europee 2004"
le columna "Parlamento Europee 300" significa le
opinion de archiduce Otto von Habsburg (un filio del
ultime regente imperator del imperio Austria-Hungaria,
20 annos como europarlamentarico, hodie in etate de 96
annos ancora un persona vital e active!) que le maxime
grandor del parlamento europee es ca. 300
membros - alteremente illo deveni un inefficiente club
de discussion.

******************************
Societate Basc pro Interlingua
******************************

---------------------------------------------------------------
Lavin Josu 081028: Io volerea saper quando le UMI va responder
a mi petition re le Societate Basc pro Interlingua.
    Ha passate jam multo tempore!
    Si illo non esseva acceptate io crearea le Academia pro
Interlingua in le Pais Basc e anque le Academia pro Interlingua
in Espania, etc.
------------------------------------------------------|--------

Josu, como tu pote leger in le
http://www.interlingua.fi/umista06.htm :

"3. Solmente associationes national [1] pro interlingua con
scopo conforme al scopos del UMI pote esser membros. Le
Consilio General fixa le conditiones e le procedura concernente
membrato [2].
...
Personas individual, specialmente in paises ubi il non ha un
association national pro interlingua affiliate al UMI, pote
esser membros de un Section International del UMI, establite e
administrate per le Consilio Executive, si illes accepta le
statutos del UMI. Iste section functiona exactemente como si
illo esseva un association national pro interlingua [3]."

ooo

[1] Pote on ha plus quam un "association national" in
un pais que ha regiones autonome? Como Basco in le
Regno de Espania o Tibet in China?

[2] Ha le Consilio General fixate iste conditiones e
si lo ha facte, ubi on poterea leger illos?

[1] & [3] Josu, tu pote forsan facer un petition al
UMI pro le "SEI - Societate Espaniol pro Interlingua
(pro exemplo).

ooo

Totevia, io pensa que il non es necessari que le
association "euro<P>ia - EUROpa Parla InterlinguA" o
qualcunque va esser su nomine, es un membro official
del UMI, sed euro<P>ia debera haber bon relationes con
UMI.

Salute, COMPANiaROS!

:::::::::::::::::::::::::::::::::::::::::::::
Kiviaho Allan
SILY - Suomen Interlinguayhdistys ry.
FILF - Föreningen för Interlingua i Finland
AFIL - Association Finlandese pro Interlingua
Kivimäentie 16 E. FI-01620 VANTAA. Finlandia
http://www.interlingua.fi
http://www.interlingua.fi/ceiafil/ceia.htm
http://www.interlingua.com/historia
- - - - - - - - - - - - - - - - - - - - - - -
ePosta - Sähköposti - eMail, clicca:
http://www.interlingua.fi/kiva.htm
:::::::::::::::::::::::::::::::::::::::::::::

--
Archivos e disabonar: http://listserv.icors.org/archives/INTERLNG.html