Car amicos e amicas

Un del beneficios "collateral" de scriber un conto in Interlingua es le 
discoperta del grado al qual le lingua pote combinar le  flexibilitate e 
la naturalitate. Iste grado es alte, le qual es multo placente. On ha 
etiam le opportunitate de explorar "regiones" del lingua que on non 
viderea in discussiones quotidian.

Pro exemplo, pro exprimer le forma nominal de 'miaular' io ha adjungite 
le affixo active  '(a)mento'  que indica generalmente le concretisation 
de un action.  Isto da emphase al curtitate e acutessa del sonos 
emittite del catton. Un caso similar es "ronronada" - le action 
prolongate de ronronar, construite de 'ronronar' e le affixo active 
'(a)da'. On non trova iste derivationes listate in le IED. Nonobstante, 
illos me pare convenir ben al character neolatin de Interlingua. Il 
serea interessante de leger le reactiones a iste derviationes  ab 
parlatores native de linguas neolatin.

Il habeva etiam alcun errores in le conto. "Sabato" es le ortographia 
colateral de "sabbato". On debera non  miscer le duo. "Immaginari" ha un 
"m" de plus. "Rappellar" non se trova in le IED. Il se tracta de un 
gallicismo il me pare. "Io me recorda" es le equivalente melior 
inInterlingua. E "scarpas a stiletto alte"  serea melior como o "talones 
'stiletto'" o "scarpas a talon alte". Io suppone hic que le termino 
"stiletto" es usate a scala international. On lo usa in anglese como 
adjective pro describer talones alte e  tenue. Claro su origine es 
italian, nonne?

Parte 2 veni tosto.

cordialmente
Edo