Jan e io ha correspondite privatemente per e-posta durante le diminuite
activitate in INTERLNG. Io habeva describite mi visita a un garage pro
comprar duo nove rotas pro mi auto, e nos discuteva consequentemente le
difficultate in scriber super iste themas quotidien mais totevia quasi
technic.  Io alora describeva le arbos in le fronte de mi casa, special-
mente un grande pino que io opina menacia le casa si illo jammais  cade
super illo. Illo es circa 20-30 metros in altessa (io non es secur, mais
illo es un multo alte pino) e circa .66 metros in diametro.  Jan ha
remarcate super le difficultate in describer isto in interlingua, proque
illo es un topico non sovente discutite.  Io alora ha mentionate que
fortunatemente pro Linnaeus, nos ha terminos international que reflice in
multe casos le terminos latin pro varie animales e plantas.  Alora ille
me rememorava que Linnaeus esseva un svede, un facto que io cognosceva e
expectava ille a mentionar...

>From: Jan Armann <[log in to unmask]>
>To: STAN MULAIK <[log in to unmask]>
>Subject: Re: Rotas e arbores
>
>STAN MULAIK wrote:
>
>> Si, le terminologia technic non es semper international, mais, gratias
>> a
>> Linnaeus in le biologia le nomines de animales e plantas esseva date
>> nomines technic conservante le nomines latin que deveniva
>> international.
>
>Io ha forsan alcun notitias que pote interessar vos.
>
>Carolus Linnaeus (Carl von Linni) esseva svedese e un importante
>scientista qui es ben cognoscite in le biologia del mundo. Ille esseva
>anque un bon autor. Le reportos de su viages intra Svedia es considerate
>como exemplos de bon litteratura. Ille scribe in un bon stilo que anque
>es amusante. Le texto es in svedese ma ille ha interfoliate plure
>expressiones in latino. Io ha legite plure de su libros in "fac simile"
>e io ha sentite me como io ha essite su companion in le viages.
>
>Naturalmente Linnaeus anque ha errate. Ille credeva que le hirundines ha
>hibernate in le lacos. Ille videva que le hirundines se ha colligite in
>le autumno in le brines de Phragmites communis - e tosto in le noctes le
>hirundines ha disparite. Ubi? Possibilemente in le laco! Un longe
>tempore post le morte del Linnaeus on ha advertite un precio a dar a un
>persona qui pote trovar un hirundine in le aqua e eveliar lo! Nemo ha
>succedite.
>
>Le svedeses ha essite fer super Linnaeus e in le scholas biologia era un
>thema importante. Cata alumno era obligate colliger herbas in le ferias
>e presentar los siccate in un herbarium quando le schola startava in le
>autumno. In mi opinion le interesse era troppo concentrate a fanerogamas
>- dicotyledones. Pauc svedeses cognosce gramines, lichenes e fungos ben.
>Anque io trova le concentration a biologia assatis partial in le
>scholas. Le celo que ha fascinate homines in seculos non habe tempore
>reservate pro se in le planos. Nil era inseniate in iste thema - forsan
>un poco in le physica. Si alcun svedese cognosce alcun factos re le
>stellas e le planetas, ille non ha absorbite iste in le schola.
>Regrettabilemente!
>
>Amicalmente,
>Jan
>--
>Jan Armann

Io sapeva que Linnaeus esseva un svede, mais io non sapeva que ille
scribeva in un tal maniera litterari. Le ration io habeva sapite isto es
proque (1) in le collegia pro mi diploma baccalaureate io habeva studiate
le biologia (2) mi patre e matre esseva biologos con special interesse
in le studia del natura (e le inseniar de illo) (3) io habeva un curso in
le taxonomia systematic in le collegia ubi nos apprendeva super Linneaus.
Linneaus esseva responsabile pro le systema de nominar le animales e
plantas con duo nomines, le geno e le specie (e pro un systema del
classification que ancora es usate in le biologia). Iste systema de
nominar le animales e le plantas ha conservate multe del nomines
latin pro istos. Isto es un systema e terminologia international. E illo
pote adjutar le biologo in trovar le nomines in interlingua pro le mesme
plantas e animales in multe casos.

Stan Mulaik