Jonathan Julius Dobkin wrote:

> Pais: [America del Nord]
> Codice Postal: [10025]

Il essera interessante vider como le communitate international va reager al varie
manieras de usar le codices postal. In le plus grande parte de paises europee (forsan
intra le Eropee Union) nos usa como in mi adresse:
Kjell Rehnström
Vänortsgatan 87
SE-752 64  UPPSALA
Svedia

Per consequente quando vos usara le adressario de Interlingua vos debera poner le codice
postal ANTE le nomine del urbe/citate in le casos que le adresse es in Confederation
Helvetic (Confederatio Helvetica), Danmark, Finlandia, Francia, Germania, Islandia,
Italia,  Norvegia, Polonia, Svedia Tchec Republica (anque cognoscite assi: Tchechia etc.

Anglaterra, Canada, Russia, Statos Unite usa un altere systema ubi on pone le numero
postal al fin.

Personalmente ego pensa que lo optime esserea poner le numero postal al comenciamento,
proque isto, in le dies de assortimento machinal debe esser le plus logic, o anque al
fin, naturalmente.

In Svedia cata adresse debe esser registrate. Per consequente on poterea usar numeros
como le adresses IP et usar un plus simple adresse pro le usator. Imagina que ego
poterea esser:
Cellus.apudUpsalia.se
o mesmo
civitas SE urbs 752 64 destinatarius Cellus et le posta jam sape mi adresse et pote
indicar que cellus es Kjell Rehnstrom qui habita a Vänortsgatan 87 in le zona de
distribution 75264!

Forsan le mundo debe gauder del facto que ego non manea le posta!

Amicalmente