Al fin del annos 70-as nos habeva multo studentes de Iran qui apprendeva le
svedese pro postea continuar a un universitate. Benque multe material es
scripte in anglese on debe ancora saper le svedese pro studiar al
universitate in iste pais. Isto es un del rationes pro le qual io con
grande interesse lege le libro de Ryszard Kapuscinski in re Iran proque le
libro describe un sequentia de occurrentias con le qual io habeva un
contacto indirecte.

In principio multes era ben interessate in le questiones religiose. Un
frequente question poteva esser: In qual respecto pensa tu que le
Christianismo es melior que Islam?

O: "Io pensa que le Christianismo es multo ben. Christo era un grande
propheta..."

O: Quando io era infante nos vadeva al moschea e isto era mult enoiante!

O: Esque tu sape quante sectas il ha intra Islam? No.

Plus que 125. Il probabilemente ha plus de sectos e tendentias in Islam que
in le Christianismo.

125 sembla esser un numero multo impressionante. Per isto io vole
demonstrar que il non del toto es un specie de Islam Unite ma in plus un
grande spectro de varie directiones.

Io pensa que io apprendeva multo de mi studentes iranian in re varie
manieras de reguardar varie cosas. Io spera retornar al thema plus
profundemente in un futuro proxime.




Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden