Un Systema de Impressiones Digital pro Europa

"Cercante pro disveloppar controlos effective super illes qui proba
entrar le bordos del Union Europee, particularmente cercantes del
asylo, un provisional acto del Consilio es proponite pro establir un
systema de computator que va dar le autoritates del immigration le
capacitate de recognoscer le impressiones digital de illes qui applica
pro le asylo.

"Le nove systema, cognoscite como 'Eurodac', va involver le creation de
un base de datos central de impressiones digital a que le autoritates del
immigration pote haber le accesso.  Le europarlamentarios discuteva le
question iste mense in Strasbourg, le debatto veniente a un puncto opportun
proque in le mesme septimana le parlamentarios anque ha prendite sub
consideration le question del refugios curdese veniente al Union Europee.

Le principal orator, Hedy d'Ancona (NL, PES), esseva generalmente favorabile
del propositiones proque illa credeva que illos adjutarea complir un
harmonization del politicas de immigration del statos membro.  Nonobstante,
illa esseva anxie a assecurar que le questiones de libertates civil levate
in le debattos esseva discutite propriemente e que il habeva un structura
politic proprie pro le nove systema, que non debe esser reguardate simplemente
como un maniera de excluder refugios ver.

Plure altere parlamentarios echoava le timores de Sra. d'Ancona in le debatto.
Illes esseva anxie que le systema poteva facilitar le creation de un
'Fortalessa Europa' que excluderea ver refugios.

Multos argueva pro salveguardas adequate de proteger le datos que esseva
mantenite tal que illos non veni in le manos improprie.

Commissario Anita Gradin faceva emphase del beneficios del schema, arguente
in particular que le nove systema facerea possibile a determinar si o non
applicationes pro le asylo esseva facite in plure locos per le mesme
persona.


Sequente le debatto, parlamentarios dava un ben venite qualificate al
propositiones, con emendamentos designate a assecurar salveguardas proprie."

                    De EP News January 1998