d8981110] x[Allan Kiviaho]              KivA-8NA

d[981107]                               LavM-8N7
x[Martin Lavallee <[log in to unmask]>]
s[Martinet aprobas Interlingua]
X-To: [log in to unmask],
[log in to unmask]

Ave esperantomarten, interlingua'allan te salutat!

Si io ha percipite te justo, tu tentaya provar que alicun
eminente personas del UMI non poteva parlar interlingua.

  ------------------------------------------------
  "Mi ne certas cxu Martinet kapablas diri kelkajn
  Interlingua-vortojn."
  ------------------------------------------------

Illo es un mantinemento bastante bizarre. Professor André
Martinet era le DIRECTOR DE RECERCAS al IALA antea ille
deveniva professor al Universitate de Columbia. Ille
habeva un pauc differente scopo quam dr. Gode. Prof.
Martinet voleva un lingua plus pan-european, dr. Gode un
lingua plus latin. Martinet in Panorama 1998:Martio-April,
p 15: "Io ha quitate IALA ante le realisation del lingua,
ma illo esseva multo simple, nam il habeva modellos
existente, como iste lingua que esseva multo proxime de mi
ideas, e in sex menses io haberea fabricate mi lingua. Isto
esseva un question de redaction. ... Interlingua deveniva
multo romanic, multo proxime a isto que io haberea
presentate excepte alcun punctos de detalio".

Piet Cleij 981102:
Le Professor Andre Martinet: Associato distinguite del UMI.
Car amicos,
Hodie io ha recipite le littera sequente del professor
André Martinet:
    Monsieur le Secretaire General,
    Par la presente j'accepte de devenir "associato
    distinguite" de l'Union Mundial pro Interlingua.
    Bien cordialement votre
    A.Martinet

------------- Martin Lavallee 981107 LavM-8N7 -------------
An Martinet ha studiate mesmo Interlingua? Ille diceva: *I
have never taken the trouble of learning any of the
competing planned languages, although I can read most of
them.* An ille mesmo ha studiate Esperanto?
    [Allan Kiviaho 981110: Ben, ben! Prof.
    Martinet era ja uno del creatores de
    interlingua. Ille probabilemente non
    classificava interlingua inter le linguas
    planificate.]
------------- Kjell Rehnstrom 981107 RehK-8N7 -------------
Esque tu non sape que Martinet laborava in le IALA juncte
con Gode?
------------- Martin Lavallee 981109 LavM-8N9 -------------
Isto non significa que ille pote parlar Interlingua, nec
que ille ha studiate lo. Le phrase in anglese que io
citava ille ipse scribeva. Io sape que Martinet laborava
in le IALA juncte con Gode.

------------- Martin Lavallee 981107 LavM-8N7 -------------
An Martinet prefere Interlingua como lingua international?
*I have no personal preference for any of them, even for
_Occidental_, which probably stood closest to what I
thought would have had a chance to reach a wide public
with the financial support I believed would be available
for the launching of the final product.* diceva ille.
------------- Allan Kiviaho 981110 LavM-8NA ---------------
Etiam dr. Gode non esseva multo interessate de vider
interlingua como un lingua international. Il tunc habeva ni
globalisation, ni Union Europee, ni internet. Si, le
tempores son multo differente hodie. Nunc nos besonia un
lingua international. Nunc nos besonia interlingua!

------------- Martin Lavallee 981107 LavM-8N7 -------------
An Martinet considera que Esperanto es le concurrente
principal del anglese? *My conclusion is that the problem
of a language for international communication presents
itself as the conflict between a planned language,
Esperanto, which is known to function to the satisfaction
of its users, and a hegemonic national language, which, as
we all know, is, today, English.* scribeva ille.

------------- Allan Kiviaho 981110 LavM-8NA ---------------
Mi puncto de vista es que le interlinguanistas debe haber
un "strategia de duo inimicos", anglese e esperanto, como
le Armija Krajowa de Polonia, cuje inimicos era Germania e
le Union Sovietic durante le anno tragic e fatal, 1944.
  Le USA ha le grande avantage de haber un moneta e un
lingua universal, anglese. Post 51 dies le Union Europee
etiam ha un moneta, euro, sed nos besonia etiam un lingua
universal in addition al numerose linguas national. Un
parve compania industrial in Lapponia, Finlandia, debe
poter communicar con un compania parve in Grecia sin
specialmente trainate traductores.
  Nos europeos continental non pote haber anglese como
lingua franca proque:
  1. Anglese con su phonetica multo peculiar non es
conveniente al nationes de Europa continental. On non
pote presentar le nomines de personas e localitates de
Europa continental correctemente in anglese, le nomines
deberea esser anglificate. Isto nos non vole.
  2. Nos europeos debe haber un identitate europee, un
feritate europee. Nos non vole esser un colonia del USA
(Sed nos pote esser alliatos).
  Nos debe haber un lingua universal que ha su radices in
le historia de nostre cultura. Iste radices son in latino,
le lingua del Imperium Romanum.
  Nos non pote haber esperanto como un lingua universal
proque esperanto non es nobile. Illo es un lingua multo
fede con su -aj, -oj, -ajn, -ojn. E esperanto es bastardic
con su bizarremente e arbitrarimente selecte parolas ex
varie linguas sin ulle consequentia.

----------------------------------------------------
Il ha un hereditario de traditiones roman, un lingua
belle, nobile, melodic, rhythmic - INTERLINGUA!
----------------------------------------------------

Que vive interlingua!

Allan Kiviaho
AFIL - Association Finlandese pro Interlingua