Car Amicas e Amicos,

le Republica de Venetia (569-1797) era un societate oligarchic e le Republica
de San Marino es un realitate millenari con duo capitanos regente qui lo
representa. Le capitanos sanmarineses permane in carga solmente sex menses.
Omne carga venetian controllava un altere carga ed era a su vice controllate
per un altere carga.
Le Republica de San Marino (circa 25.000 habitantes - superficie kmq 60,57 -
statutos ab le 1263) es un presentia industrial e commercial multo
considerabile. Mi Veneto (circa 4.400.000 habitantes - superficie kmq 18.365)
es un del areas industrial e commercial plus evolute in Europa. Iste duo
realitate es exactemente le contrario de un organisation paralysate, static,
que in quasi 50 annos forsan habera developpate le vocabulario
international ab
27.000 a 46.000 terminos, ma forsan non pote contar super 2.700 o 4.600
personas qui in tote le mundo practica Interlingua.
Io ha mentionate tres modellos, duo efficiente, uno que non ha derecto de
esser
considerate e que ha constringite Interlingua a esser un nullitate.
Le mie non es un critica a un persona, o a plus personas. Io constata
simplemente le absentia de personas qui in le mundo practica Interlingua.
Perque alcuno debe sentir le necessitate de justificar iste absentia, o iste
resultatos?
Qui vole practicar Interlingua non vole judicar necun resultatos de gestion
passate. Io non ha iste interesse e io non era con vos.
Io ha interesse pro hodie e deman.
Io lege Ingvar Stenström qui, quante annos retro?, scribeva exactemente illo
que io scribe actualmente. Ille scribe in su curso: "un convention... le qual
garantirea a cata cive un inseniamento elementari de interlingua... que non
prenderea tempore ab altere subjectos scholar, proque le cognoscentia del
vocabulario international esserea utile... Como se realisara un tal
introduction official de interlingua in le scholas?... con le creation de un
instituto international... e... Le centralisation, in le stadio initial, de
iste activitates (pro garantir) un alte grado de stabilitate del lingua,
impediente omne risco de dissolution del lingua in dialectos... iste curso vos
da le milles parolas le plus frequente e le grammatica, e duo milles nos
sembra
un minimo."
Io debe dicer que extrapolar phrases ab lor contexto pote facer prender un
altere significato al pensamento del autor. Io non desidera isto. Io desidera
affirmar que io trova in Ingvar le stimulo pro diffunder "un inseniamento
elementari de Interlingua" e le preoccupation pro evitar le "dissolution del
lingua in dialectos".
Forsan Ingvar cessara de mal comprender me e de combatter me, forsan isto
evenira etiam pro Piet Cleij proque isto es simplemente tempore improductive.
Forsan Jan se dedicara minus in le secreto al alte strategias de
organisation e
nos donara textos de interlingua scribite melio, exprimera plus prudente
judicios e evitara su "amen" insimul a Sigmund.
Forsan io debera regratias plus, inter vos, como io regratia Jay Bowks pro
haber scribite judicios dur como silice in le message "Le Regulation" e
como io
regratia Thomas Breinstrup, proque ille me ha scribite personalmente con
amicitate.
Io non manda a dicer mi judicios e io non pensa que vos pote esser turbate pro
illos, perque io pensa, al contrario, que vos totos ha interesse de trovar
plus
correspondentes in le mundo con le quales practicar Interlingua.
In "Philosophia" per Arturo Jimenez nos apprende le proxime benvenite
nascentia
del organisation pro Interlingua in Mexico. Isto sera un facto positive e un
occasion pro distribuer qualque cargas e forsan Arturo, ora, recipera un
modello de organisation, de statuto, indicationes super le quotas, et cetera;
ma pro me non es iste le stata pro diffunder Interlingua.
Un lingua international debe haber un sol organisation mundial, un sol chef
(etiam pro evitar le problema del plural) sempre movibile e socios qui paga le
quota e presta lor voluntariato pro reciper servicios e avantages: homines,
moneta, avantages!
In le mundo nos ha 6.000.000.000 de personas. Illes qui decide e qui conta
sera
60 o 6 personas.
Nos debe haber 60 milliones de personas qui practica Interlingua, con un chef,
lor voluntariato e le balancio annue representate de un mesme numero de quotas
de sol US$10.00 (dece dollares).
Con un structura de iste typo nos haberea convenientia de investir qualque
dollar in plus como fundo de securitate social.
In iste momento io non sentirea super mi Treviso le 28 aviones francese del
base de avion NATO de Istrana, a 12 kilometros de mi casa, que se leva o
atterra pro le missiones super Beograd, o le Serbia, con 40 bombas constante
omne die.
Interlingua non es un instrumento pro messages facete, o illo es etiam
isto, ma
illo es supertoto le lingua pro intender nos al fin de viver in maniera human.
Isto non es un maniera de viver comprendite pro le politicos, o le poter
economic, de omne parte del mundo sin exclusiones, ma isto es in le natura de
qui vole practicar un lingua auxiliar international. Nos ha necessitate de
communicar e qui ha iste inclination non accepta le guerra, le fame e le
ignorantia e comprende que le conductores (chefs, chefes) es necessari, ma
illes vade sempre controllate e rapidemente removite, si illes non assecura le
pace e le ben-esser.
Io expendera de bon voluntate mi dece dollares, ma a qui debe io pagar los?
Vos sape que io ha quasi 59 annos. Io es un decisionista (uno qui prende
decisiones) qui non sape, o non pote, expectar le nihil, o le "Methuselah".
Alora, o io trova ubi io pote pagar mi dece dollares, o io debe facer
qualcosa.
Un gruppo oligarchic pote esser un solution, ma a un nobile venetian le
Serenissime Senato poteva dicer hodie per deman: "Tu debe esser ambassador a
Paris". Isto importava pro le nobile, partir immediatemente per Paris e ibi
sustener le ambassada, toto a su costos personal e sin pretention si non illo
de esser nobile venetian del gruppo oligarchic.
Quando ille veniva revocate, ille veniva judicate in base al relationes del
informatores del Senato. Esque le resultato del carga habeva essite in le
interesse del republica? Ben! Esque habeva ille, durante su carga, facite
etiam
su interesses personal? Normal, su deber! Un nobile debeva alsi sustener se
mesme e su stato! Alteremente ille poteva perder le testa, physicamente,
obvie!
Isto era un exemplo de oligarchia que functionava.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
http://www.telegrupigi.com
http://www.affresco.com

Le texto es publicate etiam in le lista de Roma:
http://www.agora.it/M.Malaguti
Invia tu messages al lista de Roma:
mailto:[log in to unmask]