Car amicos,

Io es de accordo con Allan qui scribe que, si nos vole promover interlingua,
nos debe disponer de material informative: grammaticas, dictionarios e
altere textos. Il es obvie que pro iste scopo nos recurre a textos existente.
Io crede que alora nemo va opponer se al publication de ancian articulos in
nostre sito e in nostre listas. Tamen publicar libros complete es un altere
cosa. In tal libros ha essite investite moneta que debe esser reganiate per le
vendita pro poter publicar nove libros. Ma anque Allan ha ration quando
ille scribe que pro poter vender los nos besonia interlinguistas, anque nove
interlinguistas que on poterea recrutar per le presentation de textos
informative, inter le quales libros. On comprende le dilemma.

Io admitte que il pote esser multo profitabile pro le promotion de interlingua
que nos publica in nostre sito o in INTERLNG alicun libros existente. Ma
alora le autor e le editor debe esser de accordo. Iste duo personas debe esser
informate e debe dar lor permission ante le publication del libro in le
internet. Dunque, si on crede que un certe libro esserea de grande utilitate
pro le promotion de interlingua in le internet, io propone que on entra in
ontacto con le editor.

Un momento io habeva oblidate que NOS PRESENTA INTERLINGUA
(precio 5 dollars american) se trova in nostre sito. Nunc io comprende
que Allan ha pensate que ille poteva transprender iste libro sin problemas.
Dunque il non es necessari que ille se excusa e offere pagamentos.

Allan reveni al necessitate de haber un bon grammatica e bon dictionarios
in nostre sito. Anque io senti le absentia de un bon grammatica in illo como
un grande manco.
Qui va prender le initiativa pro le composition de un grammatica?

Salutes amical de Piet