STAN MULAIK wrote:

> Il es amusante, Horacio, a apprender que alcuno in iste mundo hodie
> se tracta de nive e pluvio.
>
> Aqui in Georgia in le SUA nos ha estate e siccitate.

Le differentia es que ille habita al sud del equator et nonobstante il es
"normal" et in le plus grande elevationes il certo ha nive. Ci in Uppsala a 60
grados N nos ha estate et durante tote le septimana 12 - 17 grados. Alcun die
il se altia a + 20 et tunc nos gaude que le estate ha retornate! Et il pluve,
et pluve, et pluve.....

Mi parte de Svedia jace in umbra pluvial, considerante que le ventos es
primarimente occidental et le humiditate es lassate in le occidente de Svedia.
Isto significa que le primavera e le pre-estate es sic et le estate proprie et
autumno es - sovente - pluviose (un inferno pro le humanos qui tenacemente se
dedica a agricultura). Ego legeva unquam un articulo in le qual on proponeva
irrigation in Upplandia!

Le cosa bon con isto es que le tabula aquatic essera alte e isto es
naturalmente bon, considerante que on prende tanto del aqua sub le superficie
del terra.