Hodie il es le die national de Svedia, o plus tosto il es le die del
bandiera svedese (un cruce jalne sur un fundo blau). In le ultime annos on
ha plus e plus discutate le idea de haber un die NATIONAL del pais.

A mi aviso un del prerequisitos de un die national es que on es libere del
travalio. Un die non es un die de festa si on non es libere del travalio.

Svedeses con envia reguarda al die national de Norvegia. Un mi collega in le
travalio festava sempre le die national de Norvegia le 17-e de maio sed
certo NUNQUAM le die national o die del bandera svedese! Ego non es capabile
explicar isto. Ego lo solo nota como un exemplo multo interessante. Illa non
habeva ulle provenientia norvegian, e si illa lo haberea illa lo celava
multo habilemente.

Forsan il es alique in nostre charactere o plus correctemente in le
caractere del establimento medial. In le 50 il era un campania in re nostre
temperamento. Nos era troppo enoiose e deberea esser plus como le italianos,
qui sempre es gaudiose e ride.

Cata uno qui ha vidite un gruppo de touristas charter svedese arrivar a un
del localitates touristic in le lavabo de Europa (le Mediterraneo) sape que
le homines se cambia (como un mano) e del enoiose personas il ha devenite un
grege de gaudiose touristas qui ride e canta.

On se senti tentate creder in le Climatologia del filosofo francese Charles
de Secondat de Montesquieu (ego debeva controllar le ortografia in le
encyclopedia!) qui diceva que climato determina le leges e le temperamento
de un populo.

Ego crede que in un date cultura le cives ha varie rolos que illes pote
seliger secundo su interesse e persuasion.

Isto etiam clarifica que un persona pote mantener que ille/a se senti melior
in un pais ma non in un altere.

Le temperamento in un nation pote cambiar se de un seculo a un altere e
intra le pais mesme. Le plus on studia le cosa le plus con comprende que on
sape minus que antea.

Hodie es anque le die del fin del scholas. Orgiasticamente on va salutar le
die national, le fin del semestre scholar e le longe attendite arrivata del
estate - con temperaturas supra 23 grados Celsius.

Bandieramente


Kjell Rehnstroem
Vaenortsgatan 87
S - 75264 Uppsala
email: [log in to unmask]