>From: STAN MULAIK <[log in to unmask]>
>Date: Mon, 6 Aug 2001 18:30:41 -0400
>
>Hallo, Mario. Tu ha retornate? Ric o povre? :-)
Ah! Ah! Tu te preoccupa, eh? In iste dies io ha ganiate un belle position
con MFNX colligite a su minimum historic, assi o io restara povre o io
probara le placer de un qualque ganio.
Ric, io? In le senso que tu intende io non lo sera jammais perque io ha
sempre expendite le pecunia que io ha ganiate.
Mi meraviliose professor de anglese (ille era anarchic) nos recommendava:
"Non sparniar! Investi in vos mesme!" E io non ha habite jammais
difficultate a sequer su experientia, o alteremente, io ha un particular
propension pro expender toto illo que io gania.
Carpe diem! (Oratio, Odi I,II,8)
Diceva Lorenzo Il Magnifico: . . . de doman tu non ha certitude!
Quando io scribe de esser un poco egoista e epicureo, io dice un partial
veritate.
Assi io non currera jammais le risco de devenir ric.
>Lucas e Mardy, Mario es un Trevisino de proxime a Venetia, un copatriato.
>
>Stan
Illes sape ben qui io es, Stan!
Ora nos ha un nostre lista de interlinguistas italian e, obviemente, nos ha
"grande" projectos pro le futuro. (Solmente que nos, in termino de tempore,
deberea haber plus fortuna respecto al statouniteses, io spera!)
Solmente que nos resta Le magnific tres!
Quatro si io non oblida nostre pharo que es Paolo!
Ah! Le habitante de Treviso se nomina trevisano (trevisan in dialecto,
recorda tu? le dialecto que es interlingua! - te ricorditu? el dialeto che
el xe interlingua!), ma anque, plus nobilemente, trevigiano e iste es un
belle termino pro leger con le regulas de interlingua. (Nos pronuncia
trevi_gia_no como in John)
Treviso ha duo portas monumental del citate (illos es ancora tres) que ha
scribite lor nomine in lor arcos de accesso. Ab le citate verso le externo
le nomine es in latino del XV seculo, ma ab le externo al citate le nomine
es in vulgar, a uso del vulgo. Assi nos ha trevigiano e trevisano, le
fidelissime del Republica de Venetia.
Ciao,
Mario
_________________________________________________________________
Scarica GRATUITAMENTE MSN Explorer all'indirizzo
http://explorer.msn.it/intl.asp
|
