Un incidentia rompeva le placente approximamento
del estate ci in Uppsala. Subito mi vicino, o al
minus co-suburbista incurreva in mi appartamento
questionante me si ego non habeva observate le
facto sensational que il habeva essite un
robamento del agentia de posta al Strata Scholar.
- Non del toto, ego diceva, finiente justo mi
jentaculo.
- Asculta ben le radio tunc.
E, vermente, le novas local de Radio Uppland
veniva in le apparato. Quatro persomas mascate ha
robate le posta al Strata Scholar. Un alte
empleato del policia era in un boteca vicin et
poteva contactar se con su collegas et poteva
persequer le auto del robatores.

Plus tarde in le postmeridie veni mi vicino de
novo.
- Celle (es le vocativo in latino), es que tu sape
que le policia ha incirculate un casa al opposito
del tue. De mi terassa ille poteva foran vider
plus, si le micre verdente arbores non disturbarea
le vista troppo.
- Tu pote ben ir ibi, si tu lo vole. Ego non vole
sider la. Un ricochetta pote inpinger in me,
contante mi costumari bon sorte. Vade ben ibi, ego
va sider in le appartamento sequente le
developpamento via le radio.

Nos audiva le helicopteros del policia, e le radio
local annunciava que il forsan etiam era ostages
inmixate. Incredibile! Ci, in Uppsala, un centro
del pacific interlinguistica. Impossibile!

Le radio annunciava:
"Le policia ha habite un appartamento sub
observation. Quatro personas ha justo lassate le
appartamento. Il sembla que il ha plus de personas
in le appartamento. Unitates de combatte
anti-terrorista es vocate de Stockholm.... E nunc
comencia le novas del sporte..."

Le vicino retornava a su marita, qui ha un mal
pede et debe esser inquietate de su curiose
marito. Ego vadeva al computator pro responder a
256 messages quales habeva advenite durante mi
sojorno in Upplandia rural durante alcun dies.

Vermente ego debe sequer le novas pro audir le
dissolution del robamento.

Secundo le radio on haberea tirate, sed ego ha
audite nihil de tal cosas. Forsan on ha usate
fusiles con diminue-ruito, que sape ego?

E denove me inundava le mundo del pacific
interlingua e omne mi amicas et amicos transocean
e -montaniose.

Lo que era un interruption del costumariate diurne
certo era un experientia traumatic pro alcun
personas e consequentias tangibile pro alteres.

Nubes coperiva le celo et le promesso era pluvia.