>Io ama etiam parlar de mi car Armenia, e in le f
>utur proxime io vole responder al rogationes de
>Jay Bowks. Pro hodie, io nota solmente que Jay
>ha scribite que ille pensa que le armenios ha un
>historia triste. Certemente, ma nos armenios non
>son triste; al contrario nostre historia ha inseniate
>a nos le importantia de gauder in le vita.
>Ethnicamente,
>-Julio le armenio

Certo! De facto omne armenios que io habeva le placer de
cognoscer ha essite personas multo amabile. Il es forsan
un producto del triste historia que nos humanos que
supervive debe trovar formas de expressar le gaudio
del vita e celebrar lo.

Il ha, io crede, un pais nunc independente que se separava
del Union Sovietic depois le cadita del grande Urso
Euro-asiatic. Iste pais ha le nomine Armenia.

In le Atlas io trovava un referentia a iste Armenia.
Illo dice de Armenia...
nomine official Haikakan Hanrapetoutioun
area 29 800 km quadrate, population 3,8 milliones,
citate capital Yetevan, altere citates Gyumri, Ejmiadzin,
puncto plus alte Aragats 4 090 m., linguage official
es le Armenio, moneta Manat. A su bordes il ha le
nationes de Azerbajian, Turchia, Iran e Georgia.
Su bandiera es tricolor horizontal con rubie in
alto, blau in medio e jalne a basso.

Io trova alcun similaritates con le Stato de Israel.
Le area es quasi equal (21 056 km q. plus le quantitate
de area reclamate ab Jordan es quasi equal). Le facto
que su populo esseva dividite per le globo, persequite
e assassinate per le milles (le turcos ha multo opprimite
al armenios, mesmo faceva masacres). E nunc le populo
ha un parve sito que pote clamar pro illes ma le vicinos
musulman e illes ha querellas territorial.

Il es interessante que le Nationes Unite ha organisate
iste reunion le 28 de augusto pro le religiosos. Multe
conflictos territorial ha su base in differentias religiose.
Le historia del persecutiones e abusos del religionistas
es ben documentate. Le horrores committite per le seculos
un die venira super le capites del chefs de ille religiones.
On poterea sperar que le reunion del religionistas facera
cambios e promovera le pace global. Ma quando illes
dicera "Pace, pace!" subitemente le sanguine de su
manos clamara in vice "Justitia, justitia!". Assi io pensa.

Ma io ha le sperantia que un mundo in pace ubi le
populos pote viver sin guerras es possibile, forsan
malgrado le religionistas.

Sincer e amicalmente,
Jay B.