Car Walter Peterson,

In le dictionarios que io ha producite, io ha date milles e milles de
expressiones e locutiones, que me ha inspirate le consultation del
dictionarios del linguas nederlandese, german, francese, anglese, italian,
espaniol e portugese. Le criterio pro le selection de un expression esseva
"Illo debe esser comprensibile pro personas qui NON cognosce le lingua que
ha suggerite le expression". Expressiones idiomatic non comprensibile
immediatemente esseva acceptate solmente si illos es supportate de al minus
tres del linguas fonte de interlingua (p.ex. "il va sin dicer").

Mi dictionarios contine quasi omne parolas del I.E.D. In ultra on trova in
illos circa 22 000 altere parolas international que in le curso del annos
plure interlinguistas (inter illes io ipse) ha registrate applicante le
methodos describite in le introduction del I.E.D. Iste "nove" parolas forma
anque le contento de un libro separate con le titulo "Lista Supplementari
de Vocabulos International".

Precios pro expedition in Europa:
Le precio del Lista es 11 euros. Con le porto postal le precio es 15
euros.(Foras de Europa: 17 euros)
Le precio del Dictionario Interlingua-Nederlandese es 37 euros. Con le
porto postal le precio es 45 euros (Foras de Europa: 50 euros).
Le precio del Dictionario + Lista + porto postal es 55 euros.(Foras de
Europa: 60 euros)


Salutes amical de
Piet Cleij