Car Luca e omnes,

Io ha un poco difficultate a comprender le problemas del italianos quando io
lege tu puncto 4 infra.
Io ha sempre credite que vos devenirea felice a deler plure zeros superflue
in vostre valuta per le introduction del euro. Naturalmente le accostumation
de vetule gente e alcun alteres es comprensibile.

In 1962 io ha laborate durante un anno pro le Nationes Unite in Yugoslavia
(Sarajevo) e le Dinar in iste dies habeva un valor multo basse del corona
svedese. Durante un septimana io ha observate le precios de cosas que io
sovente besoniava. Pois io ha facite alcun simple calculationes super
conversiones. E presto! Io non plus ha pensate a coronas svedese.

Janne

> -----Ursprungligt meddelande-----
> Från: INTERLNG: Discussiones in Interlingua
> [mailto:[log in to unmask]]För Luca Ghitti
> Skickat: den 28 december 2002 13:59
> Till: [log in to unmask]
> Ämne: [INTERLNG] Un anno con le euro
>
>
> Post le introduction del euro in Italia on pote notar:
>
> 4 - Problema practic ma multo psychologic pro le italianos: nos
> ha semper essite accostumate haber un valor del moneta minute
> multo basse; per ex. £ 500 = 26 eurocents, o in le ultime duos
> anno, nos habeva al maximo, e le moneta e le billet de banca de £
> 1.000 = 52 eurocents. Le nove monetas del euro ha valores multo
> alte (1 e 2 euro). Assi, in iste maniera nos sembla haber multe
> monetas de poc valor, ma isto non es absolutemente ver! Nos non
> es ancora accostumate al centesimos e a su alte valores. Pro iste
> motivo que le opinion public italian volerea le introduction del
> billetes de banca de 1 e 2 euro. A nivello psychologic le billet
> de banca sembla haber un plus elevate valor! E quante monetas
> minus incombrante que il haberea in le portafolio!
>
> An Il ha altere interlinguistas de eurolandia qui pote haber lor
> opiniones o curiose historias a narrar re le introduction del euro?
>
> Luca Ghitti
>