Ulf Bro wrote:

> Hallo,
>
> Io desireara presentar me - un nove studente ardente de Interlingua e multo
> surprendite per le efficacia con que iste lingua pote servir como medio de
> communication inter participantes de partes de mundo tal differente -
> Russia, America etc.
>
> Io non possede alicun altere material pro aprender Interlingua que les que
> io ha obtenite de Internet, sed io spera que vos pote acceptar me malgrado
> mi errores grammatic etc.
>
> Nascite en Danmark io ha habitate en Svedia duo annos e nunc io es en
> Germania depost 13 annos. Io es medico e in consequentia io tamben ha
> aprendite alicun Latin.
>
> Io esseara multo felice si io poteara participar de le discussiones e assi
> apprender Interlingua tanto rapidamente como possibile.
>
> Salutes - vostre
> Ulf Bro

Salute Ulf e benvenite al lista. Ego ipse (Io mesme scribe le majoritate del
interlinguanos) habita in Uppsala, Svedia. Ego es ex-instructor de svedese et
ha laborate como traductor. Nunc ego es retirate et dedica mi eones de tempore
a scriber in interlingua.

In le sito de Interlingua tu pote trovar manuales et dictionarios de
interlingua. Pote ego recommendar:
Interlingua, instrumento moderne de communication international con textos
integremente in interlingua et un quaderno de commentario in varie linguas:
danese, svedese, germano, francese, russo....

Interlingua - a Grammar of the International Language per Alexander Gode et
Hugh Blair

Grammatica de Interlingua per K. Wilgenhof (integremente in interlingua)

Dictionarios:
Interlingua-English Dictionary (le prime dictionario publicate)
Wörterbuch Deutsch-Interlingua per Schildt
Interlingua-Dansk ordbog per Thomas Breinstrup
Dansk-Interlingua ordbog varie editiones et varie autores. Personalmente ego
ha sempre usate un edition per Poul Moth
Interlingua-svensk ordbok per Ingvar Stenström, Studentlitteratur, Lund
Svensk-interlingua ordbok per John Nordin,

De Germania il debe esser facile comprar libros de:
Servicio de Libros UMI
Zonnegloren 30
NL-7361 TL Beekbergen
Nederland
Giro: 2 21 03 03
Fax: (055) 506 11 56

Legente le messages in iste lista tu tosto va comprender qual es le correcte
formas in interlingua. Personalmente ego prefere un accento multo plus latin
quam le majoritate de interlinguanos qui usa
io = ego
e = et
ma = sed

Le parolas a dextra es listate in le IED et usate per alcun scriptores ben que
le parolas a sinistra es plus commun.

Per salutes amical