ENFORS ERIK wrote:

> Salute omnes!
>
> Il ha plure explicationes. Desde longe tempores iste dies del anno ha essite celebrate in Svedia.

Un multo bon explication. Il es importantissime sublinear que il es solo le plus affectionate familias que ha alque de religion in le yule. In le festa del Natal que ego cognosce il es tanto mis-guidente appellar lo _Natal_ como _Sancte Lucia!_ Si on non rumperea le tradition troppo ego esserea preste proponer que il es le porco que on festa. Forsan illo del vikings de Serimner, le porco que era mangiate per le deos e le sequente die era de novo integre e apte a mangiar. Quasi un porco de opulentia.

Vos memora que ego narrava de un collision de cultura que ego experientiava in Polonia ante multissime annos quando ego al consternation de mi amicos demandava si on non ha cantos de natal que _non_ contine alque de Jesu etc. "Isto on face vero in le ecclesia! Ma esque il non ha discos con cantos quando on narra quanto agradabile es que il ha natal e on pote mangiar e gauder se!"

In Polonia on - ego suppone - in le plus grande numero de casos celebra le jejuno - solo mangiante le jambon post le medienocte.

Il es fascinante que traditiones pote variar in un tanto parve area como Europa e mesmo Svedia!

Personalmente ego festa le solstitio, gaudiente silentemente que le sol retornara. Le natal es pro adaptation social...

Cellus
un pagano pasive