Le ministros europee de telecommunicationes
votava le jovedi, 6 de decembre de 2001,
pro prohiber le email commercial non solicitate,
appellate per multos "spam mail", e dar le poter
al consumitores pro prevenir le investigation sin
autorisation de lor uso del internet. Le prohibition
contra le "spam mail" es parte de un lege proponite
pro le communicationes electronic private que
in turno es parte de un renovation del lege europee
de telecommunicationes. Le decision iste jovedi
marcava un assalto contra le "spam mail", lo qual
dividiva le governamentos del EU e le Parlamento
Europee per menses.