"potesser" es mi invention, inventate quando io faceva studios del particulas.
Illo es inspirate per le francese 'peut-etre' e anglese 'may be'  In iste
caso io ha jungite le parolas in loco de seperar los como in 'tanto ben'.

Possibilemente isto occurreva in Occidental. Io esseva in correspondentia con
un Occidentalista in 1961, quando io faceva isto, e ille scribeva in occidental
e io in interlingua.

Ove, vos debe cognoscer, potesser, que in 1961 io esseva multo active in
interlingua, e mesmo vistava Dr. Gode cata septimana durante le sex menses
io esseva in Nove York in 1961.  Alora, post maritage, filios, mi profession
como professor del psychologia e le statistica, io ha devenite inactive in
interlingua inter 1974 e 1995, quando io discoperiva Kjell Rhenstrom a
le gruppo de novas sci.lang scribiente in interlingua. Isto recommenciava mi
interessa in interlingua, e il deveni quasi un preoccupation total, resultante
del facto que io debe leger tote mi messages e responder a illes de e-posta.
Mi vita es ora solmente sedite a mi Macintosh, discargante mi cassa de e-posta.
(On non vole que illo plenar se totalmente con milles de messages!).  In
1961 io deveniva interessate in le question del particulas.  Io pensava que
possibilemente plus labor in cercar le prototypos de illos esserea succedite.
Lo que succede es le discoperta que al fin del era del Imperia Roman il ha
certe tendentias ducente al linguas romance, e varie nove particulas esseva
inventate, mais illos non esseva usate uniformimente per tote le region roman.
(Gratias a Dr. Gode, ille ha date me le cartas super le qual esseva scribite
le varie particulas in le linguas fontal. Io ha studiate los e alcun libros
super le disveloppamento e historia del linguas romanic. Mais certe formas es
plus o minus "prototypic" e generalmente io ha essayate usar formas como illos.
"mais" es uno de istos.  Io non es decidite inter "hic" e "aqui" < eccu+hic.
Anque il ha un selection inter ille (pronomine demonstrative) e aquelle <
eccum + ille), que ha le avantage de distinguer se de "ille" pronomine.
Io prefere alcun a alicun, alcubi a alicubi, mais mi rationes non es forte.

Ben, io debe preparar un lectura pro deman.

Stan