Stan, io spera que potera capace de clarar un pauc iste 'affaire'.

Le discussion in re le ver commenciamento del tertie millenio es plen de obfuscation e confusion.

La question in re le nascentia de Christo appertine a iste obfuscation. 

Mi forte recommendation es oblidar le date del nascentia de Christo. Lassa lo al latere e pensa in terminos plus simple.

Un millenio es mille annos, como nos parlatores de Interlingua sape ben. Le primer anno del primer millenio esseva le anno 1. Le primer articulo in qualcunque collection porta semper le numero 1. E le ultime anno in le primer millenio esseva le anno 1000. Dunque le secunde millenio commenciava con le anno 1001.

Ergo, le primer anno del tertie millenio commenciara con le ano 2001.

Pensa al millenio commo a qualcunque collection de mille cosas. On commencia con le numero 1 e on fini con le numero 1000.

Memora que se un cliente inta in mi boteca de musica e demanda 2000 CDs de Britney Spears e io da a iste cliente solamente 1999, iste cliente non essera contente. Ille se plangera de mi action, e justemente.

Cordialmente
Adrian

Stan ha scribite:
> E 1 januario 2001 es le comenciamento del secunde anno del millenio..... ;-).