Amicos,
   Io pensa que plure de vos miscomprende le puncto del mi message previe
a Allan Kiviaho.  Io non defende le orthographia del anglese. Illo es
le resultato de multe reformas de su orthographia, cata un addite al
previe.  E io crede que le possibilitate e desirabilitate de regularizar
lo hodie es nil.  Il ha troppo de dialectos del anglese in le mundo. Qual
pote esser le standard phonetic? Mesmo in le Statos Unite e in Brittania
e in le previe Imperio Brittanic il ha numerose dialectos anglese.  Le
orthographia latin in le anglese lo face 'international' in parolas de
aquelle origine.

Mais mi puncto a Allan esseva que il ha certe parolas in le linguas--in
tote linguas--que appare in aquelle linguas in lor formas original.
Nota que le francese e italiano ha 'leader' como le orthographia. Io  es
certe que le francese ha acceptate isto reluctantemente,  mais illo
representa un phenomeno linguistic que linguas prende in presto parolas
de altere linguas sin restandardizar los in le formas local de
pronunciation. De facto on monstra su cosmopolitanitate per usar parolas
de un lingua extranee in su forma original. Isto es proque tal formas
existe in iste linguas.

Io jam ha  monstrate le exemplos de isto citate in le introduction al
IED.

Assi IALA ha adherite a iste phenomenon quando illo es international.
Illes similarmente retente le original orthographia e pronunciation de
tal parolas proque illo es jam international.  De facto le forma es
le prototypo  de que le variantes in altere linguas se deriva.

Nos scribe 'bureau', (pronunciate 'buro'),  'rancho', 'interview'
proque iste formas es prototypos e es international. Le mesme con
'leader'.



Stan Mulaik

--
Archivos e disabonar: http://listserv.icors.org/archives/INTERLNG.html