Le 11 Feb 2003 12:45:39 +0100, Piet Cleij scribeva:
>In principio io es favorabile al creation de un encyclopedia electronic
>in interlingua.
>Ma sia caute!
>Ben que a prime vista le collaboration libere a un tal obra pote
>parer attractive, il ha anque un latere periculose in le idea.
>On pote imaginar se que personas con cognoscentias insufficiente
>de interlingua produce e invia lor contributiones al paginas del
>encyclopedia. Que facer pro impedir le publication de tal
>contributiones?

Corriger los, simplemente. Ben que io non es completemente familiar
con le systema de Wikipedia, secundo mi comprehension on pote inviar
correctiones etiam a material jam publicate - isto non es solmente
permittite ma incoragiate. Pro verificar le integritate de tal
correctiones on pote acceder equalmente a tote le revisiones anterior.

Il me pare que le melior via de garantir le qualitate de
contributiones es que le "expertos" contribue, e controla le unes le
alteres via le systema fornite per wikipedia. Dunque, io intende
facer isto.

- Martijn