Con respecto al varie cosas que nos debe facer pro
interlingua in Nord America, io vole indicar mi
interesse es in servir como le redactor de un parve
periodico circular. Io ha necun interesse in
servir como presidente o secretario general.
Io ha habite experientia como un redactor. In
le 1960s io redigeva un parve circular "Le Foro"
super interlingua. Pro octe annos io esseva le
redactor de un jornal professional, "Multivariate
Behavioral Research", que es un importante jornal
in mi campo del statistica psychologic. Io indica
isto proque io vole servir in alcun capacitate e
pro eliminar me de consideration de altere positiones
que nos debe plenar. Alteros debe indicar lor
interesse in servir in le nove organization que nos
crea.
Stan Mulaik
>Date: Fri, 22 Dec 2000 14:28:15 -0500
>Subject: [interlinguausa] Bureau del Academia pro Interlingua in America
>Content-Transfer-Encoding: 7bit
>
>Ben,
>Io multo apprecia le initiativa de Michael pro
>vider un Organisation Active in nostre parte
>del Hemispherio. Il me pare que con le modelo
>del UBI in Brasil e le effortios de Horacio in
>Argentina le cosa va ben in le parte del Sud.
>
>Io anque volerea vider un unification del effortios
>inter nos. E le Academia es al disposition de qualque
>opportunitates pro le promotion de Interlingua.
>
>On pote invisar le creation de bureaus del Academia
>in le differente nationes representate. Assi le
>Academia pro Interlingua in America es le capitulo
>representante pro personas in le USA e forsan un
>Bureau del Academia pro Interlingua in Canada
>e un Bureau del Academia pro Interlingua in
>Mexico. Ma nos debe presentar isto al foro del
>Academia. Il ha un numero multo grande de personas
>que son socios del Academia ora que non vive in
>le tres nationes in question. Mesmo duo del membros
>fundante del Academia, John Brandell e Mario Malagutti.
>Isto es parte del ration proque le Academia non ha
>volite cercar promotion pro se mesme, ma pro le
>lingua belle international. Le cosa importante es
>le promotion de Interlingua. Nonne?
>
>Assi, in labor sub le supporto del Academia nos ha
>potite inviar publicationes a bibliothecas in le
>USA, e anque a personas interessate que demonstra
>un active practica del lingua e necesse ressources
>pro continuar su apprension del belle lingua
>international.
>
>Le Academia face anque possibile le facilitation
>del intercambio de ideas super le interlinguistica,
>e in special le nove auxilinguas. Mesmo como le
>ancian Academia in Torino faceva possibile e como
>le revista Cosmoglotta publicava in annos retro.
>
>Le Interlingua Romanica es un exercitio de un membro
>del lista del Academia, ille vive in le Pais Basque e
>con le vaste differentias inter le dialectos Basque
>ille ha facite, a mi aviso, un processo multo similar
>al del IALA con ille dialectos pro obtiner un lingua
>inter-basque. Ille alsi faceva isto con dialectos
>romanic, galego, catalan, etc. Ille ha un lista proprie
>pro ille projectos in Egroups.
>
>Ben, ora vamos discuter como poner in action un
>unification de effortios e como il esserea possibile
>promover le lingua belle in nostre area.
>
>Con salutes amical,
>Jay B.
>
>
>[log in to unmask] ad [log in to unmask] ha scripte in 2000/12/21 7:51 PM:
>
>>
>> Car Jay,
>> In vice de divider le effortios in America del Nord, io crede
>> que le unification de tote le organisationes es le melior idea.
>>
>> Interlingua romanica?
>> Un nove dialecto o projecto? Ha on informationes?
>>
>> Richard
>>
Io vole adder que io vide le Academia non como un organo de UMI.
Le organization que nos debe crear debe esser un organo de UMI.
Si le Academia vole approchar UMI pro junger se con illo, alora
possibilemente illo pote devenir le representante de UMI in Nord
America. Mais io equalmente vide que su membros concipe lor
organization como independente de aquelle o altere organizationes,
e in aquelle caso, UMI vole un organization que representa illo
in Nord America. Il es importante pro constatar medios pro
collectionar le debitos de UMI e le abonamentos a Panorama pro
le membros de UMI in Nord America. Istos es functiones que le
Instituto de Interlingua faceva ante que illo ha devenite
captivo de alcuno hostile a UMI (e mesmo interlingua per se).
Stan Mulaik
|
