Lo que es hodie un major differentia inter le manuscriptos io da mi
studentes e le manuscriptos io les dava in 1970 o 1980 es que hodie
mi manuscriptos ha le marca professional de un imprimitor.  Io prepara
mi manuscriptos per un programma de processamento de texto, e usa
un programma special pro le preparation de formulas mathematica.  In
1970 e 1980 io debeva usar un dactylographo o scriber mi formulas per
mano.  Mi imprimitor laser produce texto que es le mesme como si illos
veniva de un imprimitor professional.

Il es ver que hodie le costo de libros es exorbitante.  Io recentemente
trovava alcun de mi ancian textos de quando io esseva in le universitate.
$5, $10.  Hodie le mesme libros costa $50 - $75, a vices $100. Totevia
in 1952 $5 vale multo plus que $5 hodie.  E hodie le majoritate de
americanos es multo plus ric que antea.  Inflation e prosperitate.

In 1952 un computator existeva solmente in Washington, D.C..  In 1957
nostre universitate habeva un computator con 20kb de memoria.  Io
non jammais habeva le sonio que eventualmente io haberea mi proprie
computator a casa.  De facto io ha 4 computatores, duo es immagazinate
in mi basamento in un camera magazin.  Io dava mi filio Roberto un
iMac con 64 megabytos de memoria, e heri io recipeva un additional
128 mb que io va dar le pro su anniversario le septimana proxime. Isto
costava solmente $150, le precio de duo libros universitari.
Ille va haber 192 mb de memoria in un cassa que sede super su scriptorio.
Ille ha un camera DV con un FIREWiRE connexion, con que ille pote
usar su iMac pro producer le cinemas.  Proque?  Possibilemente pro
monstrar su clientes lo que ille face.  Equalmente pro amusamento.

Totevia in comparation con altere americanos, io es solmente un
poco in alto del medio. Io es un povre professor.  E io regretta
que io non habeva facite plus aggressive investimentos in le
mercato de actiones. Al hora actual le grande crescimento del
valuta de actiones pare al fin.

Stan Mulaik