Car Martijn!
E que occurrera con homines, como io, qui usa iste lista del superficie
retiari (a saper: superficie web, superficie del interrrete, superficie de
internet, isto es pagina html; io traduce isto si multe vices, proque olim
alicuno non comprendeva "superficie retiari"), del adresse
http://maelstrom.stjohns.edu/CGI/wa.exe?A0=interlng&D=1&H=0&O=D&T=1 e non
per email? Esque le nove servitor habera un pagina retiari, que offere tote
le functiones, le quales le sito de Maelstrom.stjohns.edu offere ancora ora?
I.e.: io pote non solmente vider le messages in le archivo web, ma io pote
mesmo responder messages intra le navigator, sin aperir mi cliente e-postal;
mesmo io pote diriger le responsas non solmente al lista, o non del toto al
lista, ma al creator del message original immediatemente, mesmo con le
possibilitate, que io recipe un copia a mi adresse e-postal, si io decide
assi. Esque le version navigatori del nove servitor (si illo existera)
habera omne iste functiones, possibilitates? O debera io cambiar mi
preferentias assi, que io recipe le emails per mi cliente de emails, via mi
adresse e-postal? O esque le functiones mentionate supra sera attingibile
solmente per le servitor secundari Yahoo? (A saper: le Yahoo offere un copia
de iste lista del Mailstrom, e le gruppos de Yahoo es attingibile per
browser, in nostre caso sub le adresse
http://groups.yahoo.com/group/interlng/ ). A proposito: esque tu debe
cambiar a iste gruppo de Yahoo alique, a fin que illo continuemente livra le
messages etiam del nove servitor?
A revider con omnes de vos deman in le chat de interlingua! (Vide le
detalios in mi sequente lettera.)
Péter Kovács
qui es un "fanatico" - secundo Allan...e secundo vos...? :-)
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
