On Thu, 9 Oct 2008 17:29:24 -0400, Mulaik, Stanley A
<[log in to unmask]> wrote:

>Peter,
>   Io crede que le problema con le banca es le crise international
>financiari.  

Car Stanley,

Le banca si, multo probabilemente, ma iste historia ha anque altere
relationes, non con un directe connexion con le banca, como io ha scribite
in le lettera.

Iste phenomeno es typic pro le Hungaria non solmente contemporanee, ma anque
pro illo ab le 90s, ancora non essente le membro del Union Europee. In ille
annos le signos de iste crise financiari actual non se ancora monstrava.
Dunque io non pensa, que pro tote iste historia le crise bancari actual es
culpabile, pro iste phenomeno ja habente se demonstrate anque in le 90s.

Lo que io assere, ha altere respectos (pro summarisar los de novo ora
brevemente): un conspiration possibile inter le actual possessor del
interprisa, le banca(s, o alicun gruppo de interesse bancari), un altere
interprisa possibile al qual forsan placeva le territorio del interprisa de
aves domestic, le Union Europee que ha le interesse controlar o cessar le
productiones national / local de aves domestic como nutrimento e forsan le
burgomaestro o su circulo o le potentes politic del urbe, qui probabilemente
sapeva super iste plano ante le crise mesme, ma a causa de alicun interesse
ille / illes / illo lo ha celate ante le habitantes del urbe e ora le
burgomaestro face - si le supposition de haber sapite re isto es ver -
actiones simulate pro demonstrar que ille/s/ / illo vole salvar le
interprisa (assi que le burgomaestro se tornava al ministro agricultural pro
adjutar le crise).

Io admitte, multe elementos supponite se trova in iste mi theoria, ma su
veritate es regrettabilemente rational e possibile... Forsan isto non es un
conspiration, ma un coincidentia accidental de differente interesses, que se
ha incontrate e effectuate ora "successosemente" in iste occurrentia, "per
hasardo"...

Péter Kovács

--
Archivos e disabonar: http://listserv.icors.org/archives/INTERLNG.html