Car omnes,

A partir de ora il es possibile usar le carta/mappa libere del mundo,
OpenStreetMap, in interlingua.

Isto es un servicio de typo Google Maps con datos liberemente usabile
e redistribuibile. Le publico pote contribuer con datos cartographic
personalmente colligite con apparatos GPS. Le carta existente es ja
multo usabile, dependente de quanto active le communitate ha essite
in tu region.

Pro acceder al sito in interlingua, il es necessari facer un del
sequente duo cosas:

(1) definir interlingua como le lingua preferite pro paginas web in
le preferentias de tu navigator del web (in Internet Explorer, usa le
codice personalisate "ia"), o:

(2) crear un conto, aperir un session (log in) e definir "ia" como le
lingua preferite in le preferentias.

(Le beneficio additional del methodo 1 es que altere sitos, como
Google, subitemente parlara tamben interlingua!)

http://www.openstreetmap.org/

Bon divertimento,

- Martijn

P.S. Traduction facite con Translatewiki:
http://translatewiki.net/wiki/Main_Page?setlang=ia
Plus traductores es sollicitate! Lege le instructiones a iste pagina
pro comenciar.

--
Archivos e disabonar: http://listserv.icors.org/archives/INTERLNG.html