In le linguas ethnic il ha plure 
casos ubi le usatores non ha ben 
comprendeite un parola o usate lo 
incorrectemente, si on reguarda le 
etymologia. Le anglese usate in 
Europa es plen de expressiones que 
non es "correcte2 secundo le native 
uso del lingua. In le mesme maniera 
con interlingua – le homines qui 
comenciava usar interlingua a vices 
era convincite que illes usa un 
correcte parola. Un bon exemplo es 
nostre "besonio". On pote parlar de 
interferentia de altere auxilinguas 
e un amplification del derecto del 
parola pro su occurrentia in 
francese e italiano, solmente duo 
linguas ma un presentia 
international totevia. Le mesme 
cosa se presenta con "frappante" 
que existe in plure europan 
linguas, ben que non in nostre 
mediterranee linguas de fonte!

On non del toto besonia augmentar 
le numero de linguas fonte, lo que 
on debe facer es vermente studiar 
le influentia del linguas fonte e 
lor influentia in altere linguas. 
Isto justo es le rolo de germano e 
russo.

Es possibile que on pote tractar 
ille parolas como "guestwords" e 
permitter los a interlingua tanto 
ben como "pickpocket" e "shocking".

"micre" es un international parola. 
Illo es immediatemente 
comprensibile. In le politic lingua 
ego ha vidite "micro-gruppo", nos 
ha "microclimato". In multe linguas 
"mega" es comprensibile como alque 
multo grande, "disvastisate" per le 
"usano".

E il es importante que on nota que 
non sempre un parola es 
recommendabile in un texto 
interlingua, solo pro isto que illo 
existe in le IED. On debe 
considerar le auditorio, le circulo 
de lectores, le destinatarios.

Kjell r


--
Pro leger le archivos e pro modificar o cancellar le subscription:
http://listserv.icors.org/archives/interlng.html