Peter Kovacs wrote:

>"Me multe interessarea, como prospere le effortio que similarmente al
>esperanto anque 'nostre lingua' [i.e. interlingua!] sia acceptate in le
>hungare universitates e scholas lingual; esque prospere le requesta, que
>illo deveni un lingua de UE. Tu es obviemente plus informate in iste cosas."
>
>
Responsa de Kjell R:
A mi aviso il habeva un presentation de interlingua in Brussela ante
alcun annos. Ego crede que le scopo del presentation era officiales
(functionarios) in le administration del EU. Ego sape anque que
epistolas describente le potential de interlingua ha essite inviate al
membros del europee parlamento.

Le usabilitate de interlingua como unn lingua de EU depende de isto
quante personas lo maestra. Pro le momento il non ha parlatores de
interlingua in le administrationn del union, ben que gentes in le
administration comprende lo, si onn non pote usar alcun del linguas
official del membro statos.

Personalmente ego non crede que interlingua pote servir le scopo de
esser un lingua ponte in le union pro le memento, viste que un troppo
micre numero de personas lo maestra. Pro mi parte personal ego vide le
avantage de interlingua que illo facilisa le contacto active con
parlatores del linguas romance, que ego in un certe grado comprende
passivemente ma non communica activemente in le proprie lingua del
interlocutor.

A Péter: Ego spera que isto es de uso pro te.

Al altere membros: Si vos ha correctiones o altere informationes non
hesita communcar los!

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================