COMO SCRIBER BEN

1. Disnecessari se monstra emplear stilo de scriptura troppo elaborate, secundo
il debe esser de vostre cognoscentia. Tal practica adveni de zelo excessive que
margina le exhibitionismo narcissistic.
2. Evita abbrev., etc.
3. Annulla alliterationes altemente abusive.
4. "non oblida le litteras majuscule", como ja diceva carlos machado, mi
professor del schola sancte effigenia, in salvador, bahia.
5. Fugi del locos-commun como le diabolo fugi del cruce.
6. Le uso de parentheses (mesmo quando il es relevante) es disnecessari.
7. Stranierismos es "out", parolas native es "in".
8. Parolas non polite pote transformar tu texto in un merda.
9. Nunquam generaliza. Generalizar es sempre un error.
10. Evita repeter le mesme parola, perque ille parola va devenir repetitive. Le
repetition va facer que le parola sia repetite.
11. Non abusa del citationes. Como sole dicer mi patre: "Qui cita le alteres non
ha ideas proprie".
12. Phrases incomplete pote causar.
13. Non sia redundante, non es necessari dicer le mesme cosa per formas
differente, illo es, basta mentionar cata argumento un sol vice. In altere
parolas, non repete le mesme idea.
14. Sia plus o minus specific.
15. Phrases con un sol parola? Elimina!
16. Le voce passive debe esser evitate.
17. Usa le punctuation correctemente e le virgula specialmente esque necuno sape
plus usar le signal de interrogation
18. Qui necessita de questiones rhetoric?
19. Nunquam usa siglas incognite, secundo recommendation del A.G.O.P.
20. Le exaggeration es 100 billiones de vices pejor que le moderation.
21. Analogias in le scriptura es tanto utile quanto cornos in un gallina.
22. Non abusa del exclamationes! Tu texto deveni horribile! Crede me!
23. Evita phrases exaggeratemente longe, perque illos difficulta le
comprehension del idea contenite in illos, e, in ultra, perque illos contine
plus que un idea central, lo que non sempre rende su contento accessibile,
fortiante, assi, le paupere lector a separar lo in lor componentes diverse, a
fin de render los comprehensibile, lo que non deberea esser, post toto, parte
del processo de lectura, habito que nos debe stimular per medio del uso de
phrases plus curte.
24. Sia caute con le othorgraphia, pro non strupar le lingua.
25. Sia incisive e coherente. O forsan non...

A revider,
Ensjo.