(Traducite ab Revista Superinteressante, Anno 12, Nº 7, Julio 1998)

FORSAN LE AMAZONAS ES LE FLUVIO LE PLUS EXTENSE DEL MUNDO
[?] Qual es le major fluvio del mundo, le Nilo o le Amazonas?

[!] Il pare que es le Amazonas. Sin "patriotada". Que le fluvio brasilian es le
major in volumine de aqua, necuno discute. Su fluxo es de 175.000 metros cubic per
secunda. Proxime a illo, le Nilo es un micre curso de aqua, con 3.100 metros cubic
per secunda. Ma usque recentemente le Nilo esseva considerate le plus extense, con
6.670 kilometros. Le problema es que on non cognosceva le local exacte del nascente
[fonte?] del fluvio brasilian. On credeva que illo comenciava in le Fluvio Marañon,
que nasce in le nord de Peru. In iste caso, le Amazonas haberea 6.500 kilometros.
Ma recercatores del Instituto Nacional de Pesquisas Espaciais (Inpe) [Instituto
National de Recercas Spatial], a São José dos Campos, São Paulo, arrivava al
conclusion que le nascente se situa plus longe [adv. = lontano], in un curso de
aqua appellate Apacheta, in le sud de Peru. Illo, nonobstante, ancora necessita
esser confirmate. Si illo lo sera, le fluvio passa a haber 6.748 kilometros,
superante le Nilo. "A fin que iste mesura sia acceptate como official, nos
necessita metir le fluvio integre de novo", dice le geologo Paulo Roberto Martini,
de Inpe.

Ensjo.