d[990530] x[Allan Kiviaho] KivA-95Ub
s[CON LATINO AL VICTORIA!]

Courier New 10 necesse est!

Car evangelistas e apostolos de interlingua!

[Frank Esterhill 971115]
"Anglese es nunc le secunde lingua del mundo, esque un
accepta iste situation o non.
SI INTERLINGUA VOLE HABER ULLE USO DEL TOTO E CONTINER
ESSER VIABILE, IL ES POSSIBILE SOLMENTE COMO UN
ADJUNCTO AL ANGLESE, NON COMO UN ALTERNATIVO."

Iste expression de ex-interlinguista Frank Esterhill
es exactemente diametric a mi ideas.

Pro me interlingua debe devenir le lingua universal
pro practic communication inter le nationes del
culturas europee. Sub le parapluvia de interlingua
le linguas national contine su vitas equal e felice.
Anglese essera uno de iste linguas, non plus e non
minus.

Interlingua non debe devenir un adjuncto al anglese,
sed al LATINO! Le imbraciamento de anglese esserea
un imbraciamento suffocante, imbraciamento mortal.

Le imbraciamento del LATINO es lo preservante, le
fonte del VITA.

Vamos facer INTERLINGUA LE UTENSILE PRACTIC PRO LE
LATINO!

---------------------------
ALLIANTIA CON LE LATINISTAS
---------------------------

Nos interlinguanistas debe registrar le institutos e
personas, que son le plus essential pro le latinismo
in le paises correspondente.

Le organisationes pro interlingua in varie paises debe
facer iste labor in cooperation. Le association
finlandese jam ha tal registro.

Nos debe haber un rete de organisationes pro
interlingua europee e CATA UNO DE ILLOS DEBE HABER UN
POSTA ELECTRONIC!

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
Il non existe un vita extra-interretial, al minus non
longe plus.
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Iste rete pote esser un gruppo de equal organisationes
europee, directemente subordinate al UMI o, forsan,
nos deberea fundar un liga europee pro interlingua
inter le UMI e le organisationes national.
Le ROMILIA = Imperium ROManum InterLInguArum.

Le cooperation con le organisationes in le Americas
es, naturalmente, multo utile.

Le actiones coordinate deberea esser facite via le
organisationes official sed le democratia debe esser
assecurate per le FOROS LIBERE (Formilia - Forum
Romiliarum).

Vamos facer le actiones pro interlingua un activitate
plus determinate. Hodie nos son como un gruppo de
parve infantias circum le sabliera.

Hasta la victoria de LATINO e INTERLINGUA sempre!

Allan

-------------------------------------------------
| Suomen Interlinguayhdistys ry          - SILY |
| Föreningen för Interlingua i Finland   - FILF |
| Association Finlandese pro Interlingua - AFIL |
| -----------------------------------------------
| Presidente:                                   |
| Allan Kiviaho                                 |
| Kivimaentie 16 E                              |
| FIN-01620 VANTAA    Tel. + 358 (0)9 - 898 720 |
| Finlandia           [log in to unmask] |
-------------------------------------------------