>     Hodie in le matino, le station spatial Mir, un symbolo
> del conquesta spatial ha cadite in le oceano Pacific. Le
> lumines de color brillante in le celo nocturne super
[...]

    Gratias Horacio pro tu belle parolas re le station spatial Mir. Il es
belle vider que il ha personas multo interessate re le developpamento del
conquesta spatial.
    Io ancora non habeva quatro annos e io rememora con grande passion le
prime disbarcamento del homine super le luna in 1969. Ille facto me ha
marcate pro tote le vita. Io era multo parve ma io comprendeva in toto le
grande momento del historia human.
    Quando io era un parvo io voleva devenir un astronauta, tunc io ha
semper sequite le aventuras spatial, desde le missiones Apollo usque al
lanceamento del navetta spatial Shuttle e tote le plure missiones trans le
spatio e le planetas de nostre systema solar.
    Io spera que in le futuro le exploration spatial poterea continuar a
despecto del plure fallimentos de iste annos super toto pro lo que reguarda
le missiones super marte.
Io seque in modo constante le missiones spatial que ha curso actalmente in
interrete:
http://galileo.jpl.nasa.gov/  re le mission del sonda spatial Galileo a
Jupiter e su satellites;
http://chandra.nasa.gov/# re le telescopio a radio x;
http://www.stsci.edu/ e http://www.stsci.edu/ re le telescopio spatial
Hubble le qual ha enormemente modificate nostre cognoscientia actual re le
universo;
http://www.msss.com/ re le Mars Global Surveyor con plure photos de Marte
http://www.jpl.nasa.gov/ le sito del Jet Propulsion Laboratory con su
recente missiones de Near e su viage super le asteroide Eros, e le viage del
sonda Huygens-Cassini in direction de Saturno e Triton.

    Nos ha le possibilitate de comprender semper plus
quam le universo se ha facte, e quam illo se ha developpate dum le tempore.
    Iste missiones son un grande e importante medio pro le comprension del
infinito e inde de nostre mundo e de nos ipse!

Houston! Nos ha un problema!  per le pellicula: Apollo 11

Luca Ghitti