"Le rosa nigre," "le parve stella", e altere simile
historiettas es traductiones mie a in interlingua de
unes sex historiettas que io ha in versiones in
espaniol, anglese, germano, e francese.
Eventualmente, io vole montar al rete omne iste
historiettas in un formato bicolumnar inter
interlingua e iste altere linguas.

Un tal ressource pote esser multo utile e pro
studentes de interlingua e pro studentes qui vole
apprender iste altere linguas trans interlingua--un
lingua ponte utilissime pro studiar los!

Io usava WordPerfect Jr. pro rediger iste
historiettas.  Recentemente, io discoperiva como usar
iste logiciel pro producer documentos in ASCII pur,
que es plus facile a rediger.

Io anque pote transmitter a vos mi curso de
conversation de iste maniera.  Si vos vole un copia de
illo, dice me si vos lo vole in interlingua, in
anglese, on in le duo linguas.

Naturalmente, post reciper iste ressources
bibliographic public, vos pote rediger los secundo
vostre proprie preferentias.  Io non crede que ulle
travalio textual mie in interlingua debe esser
considerate como canonic.

Si vos es britannic, forsan vos anque volera rediger
le version anglese de iste curso secundo le practicas
de vostre dialecto native.

---

Io ha inviate omne iste historiettas a Thomas
Breinstrup pro possibile uso in su serie de libros in
un interlingua con vocabulario limitate a unes 2300
parolas basic.  Il pare que ille crede que illos
esserea apte pro un nove redaction in iste vocabulario
plus restringite.

In iste momento, Thomas travalia sur su dictionario
interlingua > interlingua in iste vocabulario
restringite.  Io ha formulate definitiones preliminar
pro le littera "p" e nunc travalia con le parolas que
comencia con "c".

Mi travalios sur le litteras "p-" esseva mi prime
projecto lexicographic.  Le production de definitiones
pro iste littera e studios posterior mi me ha
inseniate multo, e post unes quatro dies de travalio,
io ha finite quasi le medietate de iste nove gruppo de
litteras.  In multe pauc tempore io habera finite mi
definitiones preliminar de omne illos.

__________________________________
Do you Yahoo!?
Yahoo! SiteBuilder - Free, easy-to-use web site design software
http://sitebuilder.yahoo.com