Car amicas e amicos,

Io vos ha promite un explication in re le hypothese Sapir-Whorf, ma como
io ha un documento a scriber pro mi director de recerca e que il non es
ancora finite, io vos demanda de esser un poco patiente.

Io ha laborate usque nunc a mi recerca, e mi cerebro es nunc vacum.
Alora, como de costume, mi message hic infra essera un poco schtroumpf :

Io ha audite iste vespere al TV un politico francese qui ha dicite isto:
"Per definition, le movimento essante lo que illo es,  e l'opposition
essante animate per qui on sape, illo esserea grande tempore de cessar
de phantasmar"  !!!
Io es sempre surprendite per le discursos del politicos francese, me
demandante como le Franceses pote facer pro votar, post tal discursos.
Ma iste vespere io ha comprendite toto : Como dice le schtroumpf Whorf,
le lingua determina le pensata, alora, pois que in le lingua francese de
Francia, on non pote contar usque 100 in le basa de 10, sed on debe
contar post 69 in un systema burlesc, illo significa que le povre
Franceses ha un cerebro confuse e face discursos politic confuse. Io
regretta multo que le schtroumpf Whorf non vadeva como missionario in
Francia pro salvar le Franceses e apprender les a contar in le francese
de Suissa. Si il existe ancora un partisano del schtroumpf Whorf, forsan
que ille poterea facer iste obra humanitari, nonne ?

Eh! signoras e signores ! Proque esque vos ha tal oculos grande nunc ?

Bon, bon, de accordo, io va dormir.

fatigatemente,

Anne