[log in to unmask],
[log in to unmask],
==============================
PETER FERRERO KOVACS 35 ANNOS!
==============================
Companieros!
Etiam nos fennougrianos vole nos junger in le horda
gigantic de gente qui vole exprimer lor felicitationes
a un multo juvene homine (solmente 35 annos), Peter
Kovacs, un grande maestro del musica hungare folkloric
e le RADIO INTERLINGUA personificate!
Brita-Lisa e Allan Kiviaho
Finnorszag
Vide, per favor,
http://www.interlingua.fi/kovp35.htm
------------------------------------------------
Le 12e Incontro Nordic de Interlingua in Kalmar,
Svedia, le 2010-07-28--08-01
------------------------------------------------
Nos va startar nostre viage ab Vantaa deman matino
04:45 horas e conducer a Turku/Åbo, del qual nos va
continuar con le nave "GALAXY" (Tallink, Estonia) a
Stockholm, post illo a Norrköping, ubi nos va
pernoctar, le nocte 2010-07-27--28 nos va pernoctar
a Högalid, kalmar.
Le familia de nostre filia (5 personas) passa lor
vacation al insula Utö, ubi le patre (un pensionate
colonnello) del marito de nostre filia ha servite
como commandante quando ille era un juvene capitano.
Utö jocava un rolo importante durante le catastropho
del nave "Estonia", oomo base de helicopteros
finlandese e svedese.
http://www.uto.fi/2.0/sights.php?lang=en&sub=lighthouse
( 14 December 1939 [Guerra hibernal inter Finlandia e le
Union Sovietic] two G-class destroyers, Gnevnyi and
Grozjastshij, exchanged fire with Utö coastal battery
and one of them was hit. )
Interessantemente heri le familia de nostre filio
(4 personas) retornava ab Varberg (sic!) ubi nostre
filio era seriemente ferite a su vena jungular e nervo
ocular in septembre 2009 durante aquaplanar a vela. Le
resto de su familia veniva ab Stockholm a Åbo/Turku,
ille ipse continuava ab Aalanda/Åland/Ahvenanmaa con
veliero de un de su vetule cameradas, con ille (e su
patre) nostre filio (como un "gast", modestemente) era
victoriose duo (forsan mesmo tres) vices in le regata
de "Gullkrona" Åbo-Aalanda-Åbo. Previe nocte illes
accostava a Utö a causa de un tempesta de tonitro.
Ille telephonava con mobiltelephono a su soror qui era
bastante stupefacte. Illes poteva vider le unes le
alteres con binoculos super distantia de alicun centos
de metros.
Le historia de su maladia era bizarre e al minus tres
medicos involvite demonstrava un grande incompetentia.
Al fin un doctor familiar qui habeva retornate ab
Vietnam comprendeva que le caso era seriose e inviava
nostre filio al hospital pro profunde examinationes
neurologic (examination magnetographic etc). Un
chirurgo venal estimava que le caso era acute e
arrangiava operation (su gruppo face solmente tres tal
operationes per anno) in le hospital central de
Helsinki (ubi mi corde era operate le 2008-09-08). Le
operation habeva loco le 2010-06-14 e succedeva ben.
Peculiarmente io habeva mi controlo semiannual per
cardiologo (echoscopia) le mesme die quando nostre
filio era operate. Io era declarate recuperate e on
expelleva me de libros del hospital ...! Un
electrocardiogramma per anno va sufficer, analysate
per un medico general a un centro de sanitate.
Mi prime attacca cardiac seriose occurreva le
2007-11-16. In 2008 martio-aprilio mi condition era
multo mal e io quasi credeva que le fin era proxime.
Post duo cardioversiones in maio 2008 mi condition
deveniva melio. Le operation cardiac le 2008-08-09
succedeva ben, sed io habeva bastante grande problemas
con le rhythmo cardiac. In primavera 2009 io habeva
durante plure septimanas un pulso de ca. 130 c/min.
Le cardiologo respondeva con un grande dose de
Cordarone, un medicamento con mal effectos collateral.
E.g. durante le conferentia del UMI a Kirchheimboladen
io habeva 200-300 arrestos del corde per 24 horas.
Illos occurreva solmente in position sedente, salvo
alicun exceptiones, como quando nos attendeva a traino
al station ferroviari de Kirchheimbolanden post le
conferentia.
Le cardiologo era quasi certe que on deberea implantar
un stimulator cardiac (con illo on pote viver ...) sed
como ultime mesura ille proponeva que le dose del
Cordarone poterea esser diminuite a medie. Io
demandava si nos poteva quitar Cordarone totalmente.
Post alicun secundas le cardiologo diceva "bon, vamos
testar lo". Durante le proxime septimanas mi condition
deveniva melior e melior e nunc mi condition es melior
quam durante multe annos. Le cardiologo diceva que in
multe casos le organismo se adjusta in le nove
sitiation, que pote prender longe tempore.
Hm, nunc io debe finir. Nos va arrivar a Kalmar sub
tonos del musica folkloric magyar ...
A revider!
Allan Kiviaho
--
Archivos e disabonar: http://listserv.icors.org/archives/INTERLNG.html
|
