Expertos a Travaliar in un Lingua Universal per le Nationes Unite
NATIONES UNITE (Reuters) - Plus que 120 expertos de linguistica e
computatores travalia in un projecto pro disveloppar un lingua computatorial
que facilitara le communication pro medio del Interrete in su proprie
linguas matre con personas que parla altere linguas, le officiales del
projecto diceva in un conferentia de notitias.
Le "Universal Networking Language" (UNL) es in le processo de esser
perfectate al Instituto de Studios Avantiate del Universitate del Nationes
Unite (UNU) in Tokyo.

In contrasto al traductiones per machina, le quales traduce de un lingua al
altere, un texto in un lingua passara per un application de software
appellate le "editor" le qual "enconverte" lo a "UNL" e poterea tunc esser
"deconvertite" al altere linguas.
"Illo non es pro traducer Shakespeare o poesia o usque un texto
philosophic", diceva Professor Tarcisio Della Senta de Brazil, le director
del Instituto.
Ma il esserea de adjuta pro un texto logic, como le textos usate in le
scientias o le commercio.
Quando un persona scriberea alco in su lingua matre, le version del texto in
UNL, ma nunc scribite de retorno in le proprie lingua del scriptor, esserea
monstrate a ille pro offerer le opportunitate de facer cambios e confirmar
que illo significava lo mesmo que le persona intentava communicar
precisemente.
Un benefito intentate pro le UNL es que le personas que parla linguas
relativemente pauc usate in le mundo, poterea comprender textos
originalmente scribite in altere linguas. Illes poterea alsi poter
disseminar textos scribite in lor proprie linguas "Le integre philosophia es
tentar de dar voce o accesso a illes linguas o gruppos ethnic que nunc se
trova al relegate al extremitates".  Della Senta diceva.
Le prime passo del projecto UNL, lanceate in april de 1996, es crear modulos
de conversion pro 16 linguas. Illes include le sex linguas official del
UN - - arabe, chinese, anglese, francese, espaniol e russe -- tamben como
germano, hindi, indonesiano, italiano, japanese, latviano, mongoliano,
portuguse, swahili e thai.
Software de conversion pro cata lingua es in le processo de esser
disveloppate con le adjuta de governamentos, institutos de recerca,
universitates e companias participante.

Le objectivo es supportar tote le linguas usate per omne le membros del
UN - - nunc 185 paises - - pro le anno 2005.

Hic infra alcun ligamines in re le UNL scripte in anglese.

-----Original Message-----
From: charles <[log in to unmask]>
To: Multiple recipients of list AUXLANG <[log in to unmask]>
Date: Tuesday, November 24, 1998 5:35 PM
Subject: Re: Projectos de disveloppamento?


>Speaking of projects in development:
>
>News article ...
>http://dailynews.yahoo.com/headlines/tc/story.html?s=v/nm/19981124/tc/langu
age_1.html
>
>More substantive ...
>http://www.ias.unu.edu/research_prog/science_technology/universalnetwork_la
nguage.html
>