Mario:

Io ha legite hodie in le New York Times que in Italia il ha 53,000 prisioneros in
un systema que era facite pro tener 43,000; ergo milles de prisioneros pote esser
liberate in le proxime futuro. Ci in le Statos Unite, que ha un population cinque
vices plus grande que Italia, le population in prisiones es plus que 30 vices plus
grande! Il ha 1.7 million de prisioneros in le SU, le plus grande numero in le
mundo. Un persona in 20 in nostre mundo vive in le Statos Unite, ma del 8.1
milliones de prisioneros in tote le mundo, plus que un in cinque es in le SU.
China, un pais con un governamento molto repressive e un population quatro
vices tanto grande como le population del SU, ha minus personas (1.4 million)
in prisiones. [Le sol pais que ha plus prisioneros per capita (ma solmente un
pauc plus) que e SU es Russia, que ha un million (io ha obtenite iste numeros
de un reporto publicate ante un mense per le InstitutoWorldwatch). In altere
parolas, de tote le prisioneros del mundo, 1/3 (2.7 million de 8.1 million) es in
le SU o Russia, paises que ha un total de 1/14 del population mundial.]

Ma le resultato non es que le SU ha minus criminalitate o violentia que Italia, un
pais que ha 1/6 le numero de prisioneres per capita. Dunque, io pensa que debe
esser obvie que iste punitive non funciona. Illo es irrational, causate per le politicos
demagogic qui sape que illes pote usar le pavor del citatanos per su advantage,
mesme como in le caso del pena de morte. Istes politicos mesmo dice que le
problema in iste pais non es que il ha troppo del prisioneros e executiones, ma
que le numero non es sufficiente,

Le proxime representation de "Non in Mi Nomine" sera mercuridi le 12 de julio,
ci in leNova York a Strata 46 e Broadway, in le insula del traffico al sud lato de
Strata 46, al hora de 6:45 PM. Interlinguistas in NY son benvenite, an illes
favora o oppone se al pena de morte--nos semper vole parlar amicalmente con
personas de omne puntos de vista post le representation.

--Julio