d[080312] x[Kiviaho Allan] z[KivA-H3Bmm]
s[Kosova - II]

[log in to unmask]

Estimate interlinguistas!

Heri io scribeva super le declaration de independentia
de Kosova e super le rolo de Finlandia in illo.

Io vole adder que Finlandia es involvite in le
independentia de Kosova etiam in plure altere
respectos.

In Kosova servi fortias armate finlandese pro le
mantenimento del pace.

---------------------------------------------------
Seniora Terhi Nieminen-Mäkynen como burgomaestro de
Prizren
---------------------------------------------------

Seniora Terhi Nieminen-Mäkynen ageva in 1999 como
burgomaestro de Prizren, le secunde plus grande citate
de Kosova. Iste obra era multo periculose e illa era
cata die transportate a su officio in auto cuirassate
finlandese "Pasi"
( http://en.wikipedia.org/wiki/Sisu_Pasi )
e vestite in cotta de malia e casco de acier.

Hodie illa habita in Pristina, le capital de Kosova,
ubi illa labora contra le trafficar de feminas pro
exploitation sexual
---
http://books.google.fi/books?id=IHLpwIZj6IAC&pg=PA17&lpg=PA17&dq=kvinnohandel+trade+women&source=web&ots=Ip8cYyufpT&sig=eGx_-OG7HjcH247eFNCISu9QKGA&hl=fi
---
Quando io sedeva in hospital in compania de mi
kosovaro reguardante le celebration de kosovaros in
Helsinki, sra Nieminen-Mäkynen observava ex le balcon
in Pristina como le kosovaros jubilante tirava in aer.

A proposito, mi sposa ha votate pro Terhi
Nieminen-Mäkynen un longe tempore retro - quando illa
ancora non cognosceva me ...

------------------------------------------------------
Harri Holkeri e UNMIK - United Nations Interim
Administration Mission in Kosova / MAINUK - Mission
del Administration Interim del Nationes Unite in
Kosova
------------------------------------------------------

Sr Harri Holkeri (previe prime ministro finlandese)
habeva jam servite in Irlanda del Nord como presidente
del negotiationes de pace inter le Unionistas de
Ulster e le partito de Sinn Fein. Ille habeva successo
proque in 1998 plus quam 71 % del population de
Irlanda del nord votava pro pace.

In 2002-2006 Harri Holkeri ageva como representative
special den UNMIK in Kosova. Ille quitava iste mission
ante alicun menses ante le termination de illo proque
su sanitate non plus poteva durar un vita sub un
constante periculo mortal.

- - -

Salutante

Allan Kiviaho

--
Archivos e disabonar: http://listserv.icors.org/archives/INTERLNG.html