Sia isto como il vole, ma sia es 
usabile in interlingua. Sia isto 
secundo le grammatica, sia isto de 
uso general!

Kjell R
Paul Gideon Dann skrev 2013-08-15 
15:14:
> Excellente, Stan!  Io ha constate solmente qualque parve errores:
>
> Stan scribeva:
>> Per requirer que tote taxas, derectos, e mulctas sia pagate in le moneta
>> del governamento, illo establi un necessitate del citatanos de obtener le
>> moneta del governamento e usar lo in excambios de obligationes.
> "sia" => Io crede que isto es un essayo de utilisar le subjunctivo.
> Certemente, isto esserea correcte in francese ("que touts taxes ... soient
> payés") mais io crede que in interlingua, on non pote utilisar un
> subjunctivo, dunque "per requirer que tote taxas...es pagate".
>
>> Pro mantener le ben esser general de precios stabile e plen empleamento
>> le governamento debe assecurar que il ha sufficiente moneta in le
>> circulation pro sustener le vaste numero de obligationes de debito que
>> occurre in le economia.
> "Sufficiente moneta" => Io crede que isto debe esser "moneta sufficiente
> in..." o "satis moneta pro".
>
>> Le restrictiones super le governamento in controlar le offerta de moneta
>> debe esser le materiales e fontes del energia insimul con le productive
>> capacitate e empleatos a usar los in producer benes e servicios a precios
>> stabile.
> "productive capacitate" => capacitate productive
>
>> Quando plus moneta es in circulation que es necesse pro comprar le benes
>> e servicios a precios stabile, troppo de moneta va producer le inflation.
> "plus moneta" => plus de moneta
>
>> Quando minus moneta es in circulation pro emplear le materiales,
>> capacitate productive, e empleamento plen de totes qui vole le
>> empleamento, isto rende le deflation, le recessiones e le depressiones.
> "capacitate productive" => si! :P
>
>> (4) In recessiones e depressions le governamento debe reducer le taxas,
>> accrescer le expendituras deficitari pro retene e introduce nove moneta
>> in circulation, proque recessiones de depressiones occurrer quando
>> insufficiente moneta es in circulation pro sustener le plen production de
>> benes e servicios e le empleamento de totes qui vole emplear se.
> "pro retene e introduce..." => pro retener e introducer
> "proque recessiones de depressiones occurrer quando..." => proque
>    recessiones e depressiones occurre quando
>
>> (5) In inflationes, quando excessive moneta es in circulation le
>> governamento debe expender minus, reducer le expendituras deficitari,
>> elevar le taxas pro retirar moneta del circulation [...]
> "excessive moneta" => moneta excessive
>
>> Le Union Europee non ha un soveran central governamento con
>> absolute controlo del offerta de moneta.
> "absolute controlo" => controlo absolute
>
> Alteremente, io ha trovate isto multo facile a leger :)
>
> Paul
>
>
> --
> Pro leger le archivos e pro modificar o cancellar le subscription:
> http://listserv.icors.org/archives/interlng.html
>


--
Pro leger le archivos e pro modificar o cancellar le subscription:
http://listserv.icors.org/archives/interlng.html