Car Amicas e Amicos,
io ha recipite un e-mail ab le Senior Leland Yeager, le Predidente del UMI,
qui
non potera esser a Focs,ani e terminara su mandato iste estate.
Ille assisteva e faceva discursos a omne conferentia del UMI desde 1985. Ora
rationes principalmente personal e partialmente relationate con su etate le
dissuade del viage a Focs,ani e de acceptar un nove mandato.
Ille defini mi litteras mal pensate: longe, vage, repetitive, discursive,
difficile a comprender, injustemente critic, impleante parolas como "surdos",
"subterfugios infantil" e "mendacios".
Io non debe refusar su criticas. Le critica face parte del joco democratic
e si
io vole exercer le derecto a criticar io debe acceptar le criticas e isto es
pro me natural.
E io critica le recurso al apparentias, al pesar un parola, quando le
problemas
resta e illos non es de poco conto.
Le Presidente protege "le voluntarios qui devota multe horas per septimana,
gratis, al causa de interlingua" e ille face un lor lista.
Io regratia le voluntarios, ma io critica le resultatos e le methodos: pro
Focs,ani illes debe observar le Statutos del UMI, io non vole altere e io
expectarea resultatos, al minus pro le futuro.
Scribe ancora le Presidente: "Le ver manco non es de talento o devotion ma del
moneta pro le propaganda necessari, como ha prevedite jam in 1947 le professor
Andre' Martinet... Un solution a iste manco esserea multo benvenite".
Forsan mi litteras sera difficile de comprender, ma io scribe ab le initio de
iste anno que nos non pote plorar le manco de moneta e non facer nihil pro
iste
necessitate.
Etiam Arturo volerea saper approximativemente quante personas parla o studia
Interlingua, o al minus, quante membros ha le UMI. Ille non es le sol qui ha
scribite isto in le lista Interling.
Presidente, ha vos un responsa qui pote satisfacer nos?
Io ha demandate quante membros del Consilio General sera a Focs,ani. Iste
numero non es un banalitate, illo determina le politica futur del UMI e le
election del nove Presidente.
Perque io non debe esser informate?
Car Presidente, forsan, con un poco de bon voluntate, vos qui ha le bridas,
vos
poterea meliorar iste UMI.
Io dice con le sinceritate on pote obtener plus resultatos.
Il es un question de credibilitate, que es necessari etiam pro trovar moneta.
E ora que face vos del Presidente, annota vos etiam le parolas "sinceritate" e
"credibilitate"?
Isto es un sport. E al factos, esque nos ha alcuno qui se occupa?
Io lo sapeva: etiam iste littera es longe, vage, repetitive, discursive,
difficile a comprender!
Ciao amicos,
Mario
Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com
|
