InterLatino es un bon nomine, a mi aviso.  Ma, arrivar al consenso super un
nove nomine serea MULTO difficile, si non impossibile.   Le suggestiones de
Allan e alteres ha avantages e disavantages.  Plure del nomines suggerite
son bon descriptiones de lo que es interlingua.  InterLatino, InterRomance.
Forsan nos deberea acceptar plure nomines?

Le uso de "latino" ha un problema possibile hic in le SUA.  "Latino" pare
esser le nomine preferite per le partes del population american que ha su
origines in le paises espaniolophonic.  Nos ha un periodico con le nomine,
"Latina", que servi le interessos del feminas "hispanic".  In musica, le
rhythmos sudamerican ha le "Latin beat".   America Central ipse ha le
nomine, Latin America.   Il es bon assi, mais usar le nomine "InterLatino"
pro interlingua pote esser confusante.   Alteremente dicite, quando on audi
"latino" on pensa "espaniol".    (Alicuno sape si "latino" include le
lusophonos de Brasil?)

-- frank