>
>From: Kjell Rehnstrom <[log in to unmask]>
>Subject: Re: -iera => -era; -iero => -ero.
>
>Stanley Mulaik wrote:
>
>
>>Isto es sufficiente si tu ignora le conceptiones super le
>>qual interlingua esseva formulate e decide tote cosas secundo
>>tu proprie opinion personal e non objectivemente.
Kjell ha scribite:
>Sin saper exactemente como le motor de un auto funge non impedi al
>proprietor del auto conducer lo.
Si, mais le scientia automotive ha facite possibile un Volvo de
2005 que functiona melior, e plus commode, que un Volvo de 1951.
Tu non debe saper le scientia, mais tu lo respecta quando tu
vende tu Volvo de 1951 e compra un Volvo de 2005.
>
>
>>Suppone que tote le mundo age similarmente? Pote le civilization
>>existe in un tal caso?
>>
>
>Pote le civilisation exister. In facto io non vole involver me in
>cosas pro le quales io non ha le tempore ni le documentation. Il ha
>plure cosas in interlingua cuje rationes io non plenmente comprende.
>Ma mi experientia es que quando io ha experimentate con illos o
>recercate le cosa il ha generalmente essite un explication logic o
>comprensibile. Le question es si il vale reinventar le rota vice
>post vice, quando mi primari interesse es communicar per
>interlingua.
Mais nos non inventa alque. Nos solmente adhere al idea que le formas
natural es superior in recognoscibilitate e uso al formas artificial.
Le major pretention de interlingua es que illo esseva basate super
principios objective e 'scientific' pro extraher un vocabulario
international e standardizar lo. Quando nos discoperi que iste
pretentiones non es semper ver, il es le tempore pro meliorar lo,
pro remaner fidel a nostre principios. Le resultato es melior, justo
como un Volvo de 2005 es melior que un Volvo de 1951.
>Il ha certo essite un ration pro le qual le IALA ha differentiate
>-iera, -iero desde -era e -ero. Como dicite, io non sape le
>rationes de isto, e mesmo si ille rationes primarimente era
>arbitrari o un resto de schematismo, isto me non del toto
>disturba. On debe saper quando il es tempore stoppar ante le limite.
Il es possibile imagina tote formas de rationes sin proba pro
justificar un practica currente. Mais le facto es que illo non es
correcte ni es illo melior a distinguer -iera e -iero de -era e
-ero. Quando un romanophono debe apprender solmente -era e -ero,
il es plus facile pro ille/illa a simplemente substituer -era
e -ero pro le correspondente formas in su lingua. Un francese
reimplacia -ičre e -ier con -era, e -ero, le italiano reimplacia
-ičra e -aia con -era e -iere e -aio con -ero; le espaniol
non debe reimplaciar alque proque -era e -ero jam es le correspondente
suffixos, e le portugese pote reimplaciar -eira e -eiro con -era e -ero.
-era e -ero alora functiona le mesme como le formas correspondente
in le linguas romance, que es lor origine.
>In altere casos on pote trovar se
>in un interlingua pur, un sorta de interlingua catharevoussa que le
>academicos excogitava pro le greco, durante que le populo parlava
>greco demotic. Le gente detra le katharevoussa voleva un pur lingua
>grec. Le sol falta de iste belle e academic lingua era que le populo
>lo non parlava! Ora, plus e plus le greco demotic transprende le
>scena e on pote imaginar le crito de horror quando on comenciava
>scriber le sono i per solo un in loco de 7 manieras! Cal
>devastation del cultura. E le belle antique spiritus asper e
>spiritus lennis era anque abandonate al choc del Scientificos.
Le cultura pro que tu sembla facer isto como un analogia es solmente
inter circa 500-1000 personas, Kjell. Plus importante es le cultura
del milliones que nos vole attraher, e per remaner fidel al principios
scientific, nos produce un producto superior, plus recognoscibile,
a causa de su naturalessa, pro illes.
>
>On pote naturalmente anque facer de interlingua unn tal dinosauro.
>Si on vole.
Le dinosauro es le interlingua de 1951 parlate per personas que
non remane fidel a su principios de formation que permitterea le
melioration objective de illo.
Io non vole vender un Volvo de 2005 a alcuno qui vole continuar
a conducer su Volvo de 1951. Mais io es secur que il ha alteros
qui vole un producto superior, e a illes io va vender lo.
Salute!
Stan
=====================================================Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:
http://www.interlingua.com/
=====================================================
|
