Hic un joco que mi amico Chris Neill
me inviava desde Guam. Ille viveva in
le Statos, ma nunc ille es professor
de schola in le pacific, ille insenia anglese.

. . .

Un campesino intra in un bar
de Maine, ordina tres biras
e se sede al retro del camera,
bebente un poc de cata un
del biras in sequentia. Un poc
de iste un poc de ille e un poc
del altere, tunc ille repete lo,
sempre silentiose e calme.

Quando ille termina le tres biras,
ille retorna al bar e ordina
tres plus biras!

Le tavernero demanda le: "Es que
vos non sape que le bira, tanto
tosto como io lo decanta comencia
a perder su sapor fresc e il
esserea plus satisfacente ordinar
un cata vice, bon e fresc, e non
tres..."

Le campesino responde le:
"Ben, tu vera, io ha duo fratres.
Un de illos es in Australia e le altere
in Irlanda. Quando nos exiva de casa,
nos promitteva que nos biberea in
iste maniera pro rememorar le
dias quando nos bibeva totos juncte."
Le tavernero admitte que iste
costume e multo sympathic e lassa
al campesino illac pro biber tres
plus biras in le mesme maniera.
Le campesino deveni a esser un
"regular" al bar, e sempre bibe su
biras del mesme maniera. Ille sempre
ordina tres biras e sempre bibe los in
sequentia.

Un die, nostre campesino intra in l
e bar e ordina duo biras. Omne le
altere "regulares" notava lo e un
grande silentio descendeva sur le
bar. Necun persona le dice parola
alcun al campesino. E ille, silentiose
bibe su duo biras in sequentia como
sempre faceva.

Quando ille retorna al bar pro le
secunde vice, le tavernero dice le:
"Ehh, um, io non vole intruder in
vostre suffrimento in iste momento
tanto pesante, ma io vole offerer
mi sentimentos in vista de vostre
perdita."

Le campesino le reguarda con un
expresion multo confundite, e dum
recognosce le source del confusion
e responde: "Oh, non, non, omne
nos es in bon salute. Esque io pro
mi parte ha decidite quitar le bibita!"

--Amicomicalmente,
Jay B.