Car Esteban,

Es un cosa multo dificile pro nos admitter que nos non ha le appellate
"libere arbitrio", ma, si nos ama le veritate, nos precisa investigar
iste question profundemente. Nostre selectiones e decisiones son
determinate per le nostre cultura, per le nostre hereditage genenic, per
le nostre observation personal del vita, ma, supertoto, per le
propaganda.
Le propaganda crea besonios ubi illos non existe, nonne?
Necuno es libere de su influentia per plus que ha exercitate su ration
proque le propaganda actua in nostre subconsciente e isto non es
dificile de observar. Basta que vos reguarda pro vos ipse sin
prejudicios e vos videra que quando desidera un refrigerante le prime
parola que vos arriva al mente es Coca-Cola. Esque sin propaganda vos
seligerea ille refrigerante?
Le gruppos economic antea del lanceamento de un nove producto vos
bombarda com propaganda usque vos comencia a implorar genuflectite per
le nove cosa indispensabile.
Le poter economic es cata vice plus restricte, concentrate. Illo non
obede a statos proque le moneta non ha patria. Su unic motive es le
ganio de capital. Io time que le "Big Brother" jam arrivava.
Nos necessita luctar contra isto e interlng es un bon foro proque nos
hic non ha patrocinatores e pote parlar liberemente usante un lingua que
pertine a necuno e que omnes intende.


Ivan Mourão