Le vigilia de Valpurgis, que occurre le 30 de april es le _freaknik_ del
population svedese. Tunc on saluta le primavera _o lo que pretende esser le
primavera_ (alcun annos il ha essite plen hiberno!) Si on es studente al
universitate de Uppsala on se congrega con alteres pro incapitar le
caschettos studentil, blanc con un visiera nigre, accuratemente al hora 15
ante le entrata del biblioteca universitari, Carolina Rediviva.

Postea occurre le grande cursa a infra secundo le "Inclination del
castello". Un gruppo de homines se prende le manos e curre in simul que
possibile rapido. Il deveni un cursa a tauros de Pamplona - sin le tauros.

Postea commencia un bibita - non solo e non specificamente de aqua! - que
rende le homines multo ebrie. Lo que resulta in isto que on jace bicyclos e
altere cosas in le fluvio Fyris, que curre per le urbe Uppsala.

Al hora 9 on ausculta un discurso de un persona note in le "Inclination
castellin". Ibi on sta multo altemente e pote reguardar le varie focos que
le populo ha incendite in tote le paisage plan de Upplandia.

Ego scribeva de isto un anno antea.

Un multitude de juvenes crede que on justo iste die pote indulger in
pyrotechnicas e jocar explosivos que terrifica bestial domestic e senices.

Le die sequente es le ver die Valborg (Valpurgis). Omne feminas con le
nomine Valborg (Valpurgis) pote celebrar iste die. Illo es etiam le die del
laborantes in tote le mundo - salvo le Statos Unite! - ubi illes demonstra
pro un mundo melior pro le laboratores. Pro illes qui non es troppo
interessate in demonstrar - marchar sur le stratas e cantar Le International
e Filios del Travalio (un multo bon canto socialdemocrata svedese) - illes
pote ir al campania e preparar su casa estival, gauder se del natura o solo
gauder se del facto que on es libere del laboro.

Kjell Rehnstroem
Vaenortsgatan 87
S - 75264 Uppsala
email: [log in to unmask]