Hodie io audiva un cosa in le radio que
me altemente interessava. Le presidente
del Statos Unite vole obviemente creer
un Ministerio pro le Securitate del
Patria que va colliger omne
informationes in re inimicos al pais. On
va anque haber un organisation
"Suggestiones" que va colliger
testimonios del cives individual.
Personas qui labora como professionales
in le habitationes de altere personas
pote reportar si il ha "estranie"
litteratura in le plancas del libros, le
guardaportas de un casa pote reportar si
alcun habitante in le casa recipe
espistolas con estranie expeditores. Il
habera un numero gratis de telephono ubi
on pote reportar su observationes.

Le radio citava un commentator qui
diceva que isto significara que un massa
de personas innocente essera reportate e
habera su nomines in registros del
servicios clandestin, durante que le ver
professionales sapera de celar su
activitates.

Statos que construe su securitate sur le
denunciation finira con un massa de
nomines, reportate de humanos qui
simplemente voleva facer vengeanzia a su
vicino etc.

Le Servicio de Securitate Statal del
Germania Democratic essera un stagno
seren in comparation al nove Ministerio
pro le Securitate del Patria.

Io debe confessar que io es altemente
impressionate.

Kjell